阮嘉敏（Mandy）有份拍攝的節目《女神配對計劃2》日前播出第二集，Mandy找來鄧伊婷做「閨蜜花生團」，雖然節目上未出手幫好姊妹求偶畀意見，但阮嘉敏就對好友非常信任，任對方隨時爆料：「我同伊婷完全冇夾過，佢係我入嚟公司第一個朋友，過去十年我哋互相扶持，咁多年以來佢成日都介紹啲男仔畀我識，可惜真係唔合眼緣，喺嚟緊未播出嘅節目度，佢會比我更加激動！」
阮嘉敏
Mandy找來鄧伊婷（左）做「閨蜜花生團」。
提到日前節目中，有19歲參賽者發表「回春」言論時，Mandy表現激動：「始終佢出場只係20分鐘左右，未必可以好完善咁溝通，佢呢個後生仔諗到咩就講咩，我純粹係當佢搞笑囉。咁佢本來叫所有女仔『回春』，都唔係淨係指我一個嘅，只係咁啱啲女神撩我互動，特登玩吓！我一向心境開朗係事實，絕對唔需要回春。（介意姊弟戀？）正常我鍾意大過自己嘅男仔，因為我覺得會有安全感多啲！如果佢真係好細個，就睇佢係咪真係好有誠意，因為我覺得愛情唔應該係受住規限，應該要睇吓自己當時當刻嘅感受，我覺得咁先係愛情。（你哋咁多個當中邊個需要『回春』？）冇人需要回春！一個成功嘅女人係要令到自己生活得開心，保持心境年輕開朗，呢啲我絕對可以做到！」
阮嘉敏
節目中，Mandy被問及參加者曾出軌時，首要擔心「衞生」問題，被網民戲言「好包容」男友。Mandy表示每個人都有過去，重提舊事沒意義，最緊要拍拖時「乖乖」就可以。
阮嘉敏
由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》，逢周日晚八點半翡翠台播映。
《女神配對計劃2》本周日（8日）播出第十集，12位求愛勇者與7位女神在主題公園大玩水上遊戲，表現好的勇者有機會與心儀女神單獨過夜。
重頭遊戲「女神水上常識問答比賽」中，勇者需鬥快游往「圓圈」或「交叉」浮台搶答，從中揭露女神小秘密。
本周日（8日）播出的第十集《女神2》，12位求愛勇者吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、伍頌曦（Preston）、侯建民（Zico）、林福明、吳俊峰（Mark）、方智弘（Oscar）及關經翰（Oswald），將與七位女神何沛珈（Roxanne）、陳若思（Amber）、郭珮文（Juliana）、阮嘉敏（Mandy）、俞可程（Kanis）、梁超怡（Chiuyi）及陳星妤（Yvette）繼續於主題公園大玩水上遊戲，花生團是首季五位女神葉蒨文（Sophie）、關嘉敏（Carman）、梁敏巧（Maggie）、李芷晴（Stephanie）及羅毓儀（Yuki）。
製作組率先公開三條題目。
今集論到12位「求愛勇者」全力落水比併，表現好的勇者有機會與心儀女神單獨過夜！今集重頭遊戲是「女神水上常識問答比賽」，比賽分為兩個部分進行，第一部份求愛勇者需為自己組別女神爭取分數，第二部分求愛勇者可突破組別框框為心儀女神爭取分數。搶答形式是，12位求愛勇者需鬥快游往製作組準備的「圓圈」或「交叉」浮台（題目為是非題），並根據主持阿Bob宣布的人數上限，各出奇謀「站穩陣腳」留在浮台答問題。遊戲有趣的地方是，除了可看到「求愛勇者」大混戰的搞笑場面，還可知道7位女神至少一個小秘密。
包括Amber的「愛的怪癖」。
Juliana的「整容級P圖」真身。
製作組今日率先公開了其中三條題目，第一條Amber對男友有個怪癖，就是到底她喜歡「幫男友剪腳甲」還是愛「聞男友汗味」；第二條是Juliana曾是「P圖女王」，在A/B兩張照片中，到底哪一張才是阿Ju真身？值得留意的是，當Amber公開答案後，阿Bob忍不住驚嘆：「點解咁癡線嘅？！」其中一名求愛勇者更高呼：「我就係知你咁奇怪！」到底邊位求愛勇者咁了解Amber，Amber到底係咪真係咁古怪？就要密切留意節目。
以及Kanis曾否同時被5名以上男士追求。
Kanis自爆玩O Camp時有十幾個男仔同時DM約她出街，直言「Handle唔到」，連阿Bob亦大為驚嘆。
第三條題目，是要求愛勇者競猜同組別女神，曾否「同時被五位以上男士追求過」，當中Kanis答案的驚爆度，連見慣風浪的「金牌媒人」阿Bob亦大為驚嘆，Kanis自己講完亦忍不住怕醜傻笑，事後Kanis補充：「我嗰時係未拍過拖嘅，跟住入U時我玩完O Camp，就有十幾個男仔同時間DM我，約我出街，我係覺得Handle唔到嘅。」
7大女神分組情況回帶：
何沛珈（Roxanne）：Ice
陳若思（Amber）：Alan、阿朗
郭珮文（Juliana）：Preston
阮嘉敏（Mandy）：東東、Hepta
俞可程（Kanis）：Zico、Tony
梁超怡（Chiuyi）：Oscar、Mark
陳星妤（Yvette）：Oswald、李爾晨
