34歲無綫小花鍾晴（Karlie）憑處境劇《愛‧回家之開心速遞》美女售貨員「Cammy」一角成功入屋，甜美靚樣加上火辣身材一直深受網民關注。不過，近日她就自爆遇上容貌危機，長年植眼睫毛竟搞到真睫毛幾乎甩清光，連佢自己見到素顏模樣都忍唔住嚇親！
無綫小花鍾晴（Karlie）憑處境劇《愛‧回家之開心速遞》美女售貨員「Cammy」一角成功入屋
鍾晴近年人氣持續上升，除了《愛‧回家之開心速遞》之外，她亦曾夥拍好友陳詩欣拍攝旅遊節目《3日2夜》，進一步增加曝光率。向來重視外表嘅她，近日就在IG限時動態大公開自己「超素」狀態。
點擊看圖輯
無綫小花鍾晴（Karlie）憑處境劇《愛‧回家之開心速遞》美女售貨員「Cammy」一角成功入屋
真睫毛幾乎完全消失
話冇化妝嘅時候真係嚇親
決定暫停植眼睫毛
繼續做Pilates Keep fit
片中，鍾晴特意將自己眼部位置放大，只見真睫毛幾乎完全消失，雙眼少咗平日嘅纖長睫毛後，整個樣貌即時變得好唔同。她更忍不住自嘲：「這是誰？超素」，又坦言：「不過我冇植眼睫毛，冇化妝嘅時候真係自己都嚇親自己。」
真睫毛幾乎完全消失
話冇化妝嘅時候真係嚇親
鍾晴解釋，自己植眼睫毛已經好多年，點知「植吓植吓唔知點解冇晒毛囉」，直到發現真睫毛已經所剩無幾，先驚覺問題嚴重。她亦決定暫停植眼睫毛，直言：「真係要休息吓嘞。」
決定暫停植眼睫毛
不過，暫停植毛唔代表要放棄大眼效果。為咗維持幕前嘅精緻造型，鍾晴最近轉攻自己動手「黐假狗」。片中見她戴上「大眼仔」隱形眼鏡，再配搭纖長捲曲假睫毛，效果令她相當滿意。
她笑言：「我發現黐都幾靚，隻眼好似放大啲，日日可以有唔同效果。」更加自爆近期嘅新興趣就係買假眼睫毛，仲公開向網民求推介：「大家有冇介紹我可以買邊啲假眼睫毛呢？」
至於真睫毛要慢慢休養，身材方面嘅「戰鬥力」就完全冇受影響。鍾晴日前亦分享做普拉提（Pilates）嘅片段，身穿緊身運動Bra top配超短運動褲操練。影片中她喺器械上做出各種俯身動作，纖腰及緊緻身形相當吸睛，全程依然面不改色，睇得出平日都有落足功夫keep fit。
繼續做Pilates Keep fit
