姚焯菲紐約返大學搭Uber被轟離地 嫌行路太攰認「純粹懶」　

19歲「聲夢小花」姚焯菲（Chantel）上月底完成首個個人演唱會後，隨即飛返美國紐約，繼續紐約大學（NYU）大二學業。向來熱愛分享生活點滴嘅她，近日就晒出一輯漫步紐約街頭嘅靚相，大派青春美照之餘，仲意外因為一個返學交通選擇掀起網民熱議。

近日就晒出一輯紐約街頭嘅靚相

事緣姚焯菲分享開學日誌時，透露自己當日搭Uber返學。她解釋因為路程較遠，而且覺得缺乏其他交通選擇，最後更率直承認：「其實我就係懶。」

透露自己當日搭Uber返學

呢句說話隨即引起網民注意，有人認為喺紐約搭uber「瘋狂」的貴。面對網民留言，姚焯菲亦冇特別避忌，更親自用英文回應：「genuinely just too lazy to walk」，即係坦認自己真係純粹懶得行路。

紐約搭uber很貴!

亦有網民建議佢不如改踩當地共享單車Citi Bike，既可以慳返交通費，又可以順便做運動，不過姚焯菲就冇再回應相關建議。

有網民建議佢不如改踩當地共享單車Citi Bike

事件其後喺網上進一步發酵，有網民甚至發文質疑她所謂「沒有其他交通方式」只係藉口，認為紐約大學一帶交通相當方便，附近有地鐵站，R線及6號線亦可以前往校園附近，因此質疑姚焯菲其實只係習慣以較方便嘅方式出行。

Chantel 出生於富貴之家

有人更留言暗諷，有錢人眼中可能連紐約地鐵都只係「地圖上的裝飾品」，認為19歲留學生已經過着相當奢華嘅生活。

不過，網上亦有另一批網民為姚焯菲護航，認為單純搭Uber返學根本唔值得大做文章。有網民直言：「有錢坐Uber也是她自己的事，根本不需要向他人交代。」

更有人從安全角度替她解圍，指出紐約地鐵治安一直備受討論，一個19歲女仔獨自在異國留學，如果為咗安全及方便而選擇點對點搭車，其實亦無可厚非。有人甚至反問：「聽你哋話行路被人捉咗，你哋點賠番個女畀人父母？」

有人認為，一個19歲女仔獨自在異國留學，如果為咗安全及方便而選擇點對點搭車，其實亦無可厚非

事實上，姚焯菲嘅家庭背景一直被外界認為相當優渥。據報她父母均為專業會計師，爸爸姚輝文更曾任國際投資公司首席財務官（CFO）。家人亦曾斥資約2,000萬元購入尖沙咀新盤，姚焯菲過往分享嘅生活照亦不時見到寬敞豪宅環境。

早前她分享自彈自唱影片，背景可見家中客廳樓底高、空間寬敞，以木製家具為主，放置鋼琴後仍然相當闊落；浴室則採用雲石裝潢，更設有大型浴缸，生活環境確實相當優越。

「聲夢小花」姚焯菲（Chantel）現正在美國留學，雖然身處異地，但她仍不時在社交平台分享日常，讓一班「小菲象」可以持續了解偶像近況，近日她就晒出一輯與友人在舉辦萬聖節睡衣派對的靚相。

相中可見，姚焯菲身穿一套粉紅色絲綢吊帶睡衣套裝，衣袖帶有荷葉邊設計，配搭白色喱士大腿襪，頭上還戴上黑白觸角的卡通眼罩，加上背後配有透視小翅膀，全套造型充滿巧思，將少女活潑甜美的氣質盡情展現，畫面充滿青春感。不少「小菲象」都紛紛留言大讚：「這造型一定是叫鬼火咁靚」、「好靚女」、「好cute嘅懶瞓鬼」、「好可愛嘅美少女」、「太靚喇！！！ 超可愛！」

姚焯菲IG圖片

姚焯菲IG圖片

姚焯菲IG圖片

姚焯菲IG圖片