有「3億千金」之稱的張寶兒（Bowie）與袁偉豪（Ben）結婚多年，兩人因2017年合作拍攝TVB真人騷《打工捱世界II》結緣，2020年結婚後育有兩子「袁咕碌」及「袁氹氹」，一家四口生活幸福。不過，夫妻倆早前就因舊居接連漏水而飽受困擾，甚至試過「天天漏屎水」，令張寶兒忍無可忍決定搬屋。
2020年結婚後育有兩子「袁咕碌」及「袁氹氹」，一家四口生活幸福
張寶兒一家原本居住於市值約6,600萬元嘅清水灣豪宅，但月前疑因樓上廁所渠出現問題，搞到污水不斷滲入屋內。除了全屋惡臭難頂，漏水更一度令電視跳掣，令屋企有兩個細路嘅張寶兒相當崩潰。
點擊看圖輯
2020年結婚後育有兩子「袁咕碌」及「袁氹氹」，一家四口生活幸福
月前疑因樓上廁所渠出現問題，搞到污水不斷滲入屋內，相當難頂
新屋內貌首次曝光
有兩個囝囝嘅專屬遊戲區
袁偉豪同搬運工人一齊搬搬抬抬
月前疑因樓上廁所渠出現問題，搞到污水不斷滲入屋內，相當難頂
當時她曾在社交平台發文呻苦況，直言：「真的不能接受天天漏屎水」，更加忍不住表示「好想即刻搬」。如今事隔一段時間，她終於成功搬離舊居，正式告別呢場令人頭痛嘅「漏水噩夢」。
近日張寶兒分享搬屋片段，只見舊居客廳已經被大量紙箱塞滿，一家人開始收拾物品準備搬往新居。相比之前嘅狼狽，今次搬屋終於係一件開心事，而新屋內貌亦首次曝光。
新屋內貌首次曝光
新居同樣採用兩層複式設計，白色牆身配搭木地板，整體感覺簡潔又溫馨，而且採光比舊居更好。巨型客廳設有大電視及音響設備，空間相當充裕。
最吸引眼球嘅仲有兩個囝囝嘅專屬遊戲區。張寶兒特別為愛子打造玩樂空間，放入大型彈床及爬行隧道，務求令兩個小朋友喺屋企都可以盡情「放電」，媽媽味十足。
有兩個囝囝嘅專屬遊戲區
而今次搬屋，袁偉豪亦冇袖手旁觀，反而親自落手幫忙。片中見佢同搬運工人一齊搬搬抬抬，忙到汗流浹背，十足「廿四孝老公」。張寶兒見到老公咁落力，相信亦相當感動。
袁偉豪同搬運工人一齊搬搬抬抬
新居曝光後，不少網民都被屋企嘅空間感吸引，紛紛留言：「新家感覺大好多啊」、「感覺新家有更多空間給仔仔們玩耍」，亦有人笑言一家四口今次真係「越搬越大」。
另外亦有粉絲留言慰問袁偉豪，笑讚「辛苦爸爸了」，同時期待張寶兒日後再分享全屋裝修完成後嘅「豪宅開箱」。
