單文柔飛大馬探陳展鵬班 著精緻娘惹服化身「大馬新抱」打卡

視帝陳展鵬（煎Pan）與太太單文柔（Phoebe）婚後育有一女Quinta陳諾瑤（小豬比），一家三口生活幸福美滿。陳展鵬最近正在馬來西亞拍攝賀歲片，單文柔就做「跟得老婆」，飛到當地探班，陳展鵬亦趁機陪老婆四處遊覽，羨煞旁人！

單文柔飛到大馬探老公班，陳展鵬亦趁機陪老婆四處遊覽。

單文柔在IG晒出合照，可見她特意穿上當地民族服裝「娘惹服」拍照，深藍配桃紅色的娘惹服相當襯她，她還與老公甜蜜合照，sweet爆！單文柔表示：「每次嚟到馬來西亞，心情都特別好！一直都好想試著呢度嘅傳統服飾，今次終於有機會著上呢套超精緻嘅『娘惹服』（Kebaya）啦！刺繡真係好靚好細緻，好鍾意呢種有古典美嘅傳統衫。」

單文柔IG圖片

單文柔又大爆原來陳展鵬有馬來西亞人血統，笑言自己都算得上「大馬新抱」，「能夠親身體驗呢度嘅文化同服飾，感覺真係好特別，有種更融入當地嘅感覺。大家覺得我呢身大馬新抱造型合格嗎？」不少網民都看過照片紛紛留言大讚：「好合格」、「漂亮的娘惹新娘」、「第一眼看以為是本地馬來人」、「好適合你，靚靚」、「靚爆！」

單文柔IG圖片

單文柔IG圖片

單文柔IG圖片

視帝陳展鵬（煎Pan）與太太單文柔（Phoebe）婚後育有一女Quinta（小豬比）陳諾瑤，一家三口生活幸福美滿。兩公婆向來是廿四孝父母，不時在社交平台分享一家人的生活日常，近日單文柔就大爆囡囡關於戴眼鏡的趣事。

陳展鵬與單文柔一家三口。

單文柔IG圖片

單文柔晒出小豬比戴眼鏡的照片，但就大爆囡囡其實沒有近視，只是因為太想戴眼鏡，所以自己DIY了一副，她更笑指囡囡瞬間變身「林亞珍 2.0」，「驗眼明明OK ！但有人因為太想戴眼鏡…竟然自己動手DIY剪咗兩塊『磨砂鏡片』塞入去？！真係笑到我肚痛，完全係林亞珍2.0造型！為免呢副『自製眼鏡』搞到真係近視，我唯有投降，即刻去買副真嘅平光鏡畀佢體驗……」小豬比搞笑的舉動萌到大批網民，留言大讚：「豬比巧可愛EE好想抱抱」、「四眼妹妹仔，so cute」！

單文柔IG圖片

單文柔IG圖片

單文柔IG圖片

單文柔IG圖片