女神配對計劃2｜第一季求愛勇者Matthew捲土重來！混血冷氣技工Oscar自揭Emo引發女神＋花生團激辯兼卻步

娛圈事

女神配對計劃2｜第一季求愛勇者Matthew捲土重來！混血冷氣技工Oscar自揭Emo引發女神＋花生團激辯兼卻步

2026年09月17日 14:30 最後更新：15:19

由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》本周日（9月20日）播出的第三集，五大女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana），將撳燈挑選心水求愛勇者！由於《女神2》第二集播出後熱爆全城，追求Amber的吳兆麟（Alan）及飛半個地球求與Juliana復合的Ice，一夜之間成了真誠及深情的代表，連帶令今集出場的求愛勇者期待值也大大飆升。

而自上集結尾預告本集將有第一季的求愛勇者「回歸」後，網上連日來即掀起各式各樣揣測。今日（9月17日）製作組率先披露該名勇者的身份，他就是在第一季未能與心儀女神關嘉敏Carman配對成功的Matthew黃家俊。對於Matthew捲土重來，今季五位女神均抱觀望態度，Kanis斬釘截鐵：「點解今季再嚟參加？」Amber亦對Matthew甚有保留：「其實唔知佢想點，點解佢仲要參加第二季呢？佢想曝光定點呢？」Juliana則搞笑地指由於自己是Matthew及Carman CP粉，故不會拆散二人。

點擊看圖輯

焦點圖片

各位女神一聽到Matthew捲土重來，都好似好有保留咁。

到底Matthew再戰嘅命運會係點呢？

Oscar嘅登場，令一眾女神既驚訝又興奮！

Roxanne好Concern Oscar Emo呢一點。

Kanis變咗問題少女。

但Kanis家姐就叫佢冷靜啲。

對於Oscar最後得兩位女神撳燈，大家都好愕然，Bob直頭Sad咗。

Oscar呢個謎之單眼，有冇寓意架。

好想自己畀Oscar五燈嘅花生團陷入一片混亂。

阿Bob肉緊到好好笑。

更多相片

焦點圖片

各位女神一聽到Matthew捲土重來，都好似好有保留咁。

到底Matthew再戰嘅命運會係點呢？

Oscar嘅登場，令一眾女神既驚訝又興奮！

Roxanne好Concern Oscar Emo呢一點。

Kanis變咗問題少女。

但Kanis家姐就叫佢冷靜啲。

對於Oscar最後得兩位女神撳燈，大家都好愕然，Bob直頭Sad咗。

Oscar呢個謎之單眼，有冇寓意架。

好想自己畀Oscar五燈嘅花生團陷入一片混亂。

阿Bob肉緊到好好笑。

而真正令女神及花生團極大反應的，是Matthew透露今季「想揀番個唔係真係咁大情大性」的人，令花生團極不滿，鄧凱文：「佢唔可以咁」，Sam（劉倬昕）：「唔係好尊重呀呵」，鄧依婷：「（大情大性）都優點嚟架喎。」到底Matthew以首季求愛勇者身份再戰《女神》舞台是利是弊？就要密切留意新一集《女神2》。

《女神2》第三集另一個引爆期待的焦點，是人氣王「冷氣技工」混血型男方智弘Oscar登場，雖然節目尚未播出，但網上已流傳Oscar經已出局。根據製作組今日發布的搶先睇資料，Oscar於第三集狀態依然大勇，俊朗外表、甜美笑容＋溫柔眼神繼續殺食，花生團的反應亦相當熱烈兼正面：「好型」、「大隻」、「靚仔」、「嗒晒糖肯定」。

Kanis家姐愛妹心切

現年26歲，身高176cm，體重62kg的Oscar，向女神的自我介紹是「陽光、搞笑、Emo」，當中Emo一詞引發女神及花生團高度關注及猶豫，Roxanne忍不住單刀直入向Oscar深入了解emo定義。不過猶豫還猶豫，由於Oscar無論外表及氣質均很優雅，女神們還是對他抱有好感，Kanis更Seems對Oscar好有興趣狂問問題，嚇到家姐要急急致電「煞停」阿妹：「佢講過佢係會內耗嘅人，你都係好內耗嘅人，所以我就有啲擔心。」

阿Bob聞Oscar僅兩燈難以置信：Seriously？

最終Oscar竟得兩位女神支持撳燈，未能通過三燈保險線，Oscar能否留低關鍵，變相取決於能否與心儀女神心意相通。據知阿Bob除了在預告中喊晒口攬住Oscar，當他得悉Oscar僅獲兩燈後，一面難以置信：「Seriously？」、「係咪架，工作人員？」後台花生團亦是一片混亂：「我哋花生團要呀」、「我哋畀五盞燈你呀！」到底Oscar有冇得留低？敬請密切留意新一集《女神2》。

Matthew Profile：

現年37歲的Matthew，上季登場時以iBanker身份及超過200萬年薪引發高度關注！根據tvb.com官方資料，興趣多多的Matthew除了MMA（自由搏擊）、柔術及籃球等，還十分喜歡揸電單車，觀乎其IG，其鍾情的電單車牌子應為DUCATI。另Matthew亦曾因與估計逾百萬黑色跑車合照而成為一時佳話，於上一季求愛期間絕對可說贏盡焦點。

往下看更多文章

女神配對計劃2｜吳旭東霸氣發布「愛敏宣言」冧爆阮嘉敏 Mark二度成人之美獲封「神助攻之神」

由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》，昨晚（10月4日）播出的第五集，五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）與16位求愛勇者，吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、陳萬龍（Man Lung）、劉梓堅（兔仔）、伍頌曦（Preston）、侯建民（Zico）、林福明、吳俊峰（Mark）、方智弘（Oscar）、關經翰（Oswald）、劉宏偉（Ares）、李韋標（丁標）繼續進行五角枱淘汰環節！花生團成員Amber閨密Sam Lau（劉倬昕）、Juliana閨密鄧凱文（Eris）、Mandy閨密鄧依婷、Roxanne閨密游嘉欣及Kanis家姐，以及「玄學天后」雲文子師傅。

昨晚重中之重絕對是Mandy的「暖」字通關考驗，製作組要求三位候選求愛勇者東東、Mark及兔仔，Mandy浸完冰水的雙手變暖，同時要說出一句令Mandy心動的說話。結果，在爭櫈仔環節已搶盡焦點的東東，再下一城展現「霸道總裁」特質，將Mandy雙手攝入胸膛，並字字鏗鏘發表「愛敏宣言」：「我說過，我會來香港找你的，這是第一步，還有二、三、四、五，我會堅定不移的選擇你，相信我！」Mandy聽完感動到抿晒嘴，全場再度陷入狂喜！

連環心痛Mandy捱凍極真誠溫暖

東東除了「霸道」，還要暖男，當他見到Mandy浸冰水浸到「𠽌𠽌聲」，即心痛低哼：「她應該是冰冷的體質，這樣雙手一泡冰水就紅喇」，還一秒間衝出「等候區」為Mandy「胸肌取暖」。之後Mandy扣心動襟章時因手指被凍僵動作不靈活，東東即主動幫她解圍：「來來來，讓我來，姐的手凍到不成，讓我來！」細心之舉獲花生團一致好評，鄧凱文：「教科書級別呀」Kanis家姐：「天花板喇已經係。」東東的超猛烈攻擊，Mandy事後笑言要「強心臟」：「好癲呀，我三十幾歲唔後生架喇，咁激進個心負荷唔嚟。

網民：「原地結婚啦！我就係要睇呢啲甜」

對於東東這位「進擊的霸道總裁」，網民無不感到驚喜及讚嘆，有網民坦言被東東的誠意感動到喊：「東東真係好體貼，爭櫈仔同暖手都睇到嘩嘩聲」、「呢part好好睇，係女人都心動」、「東東係型嘅」、「我都睇到堅心動！仲嗌到喉龍都沙」、「Mandy手凍到手指唔靈活，會叫大家諒解一下跟住自己扣襟章，好有禮貌好細心好有風度」、「好似睇緊偶像劇咁，好有火」、「原地結婚啦！我就係要睇呢啲甜」、「冧到哩，我老公都流眼淚愛得好癲！其實男人就係要大男人勇敢去愛！如果係我，一定冧死」、「東東好真誠」、「睇住東東同Mandy互動，真係好正，好心動，好有戀愛的感覺」、「堅！拍套劇集都夠題材了」、「東東好冧呀，睇到眼濕濕，好鍾意Mandy同東東呀。」

網民激讚Mark人品好：幫其他參賽者製造機會，成全人哋

還有一個焦點，就是「神助攻之神」Mark！在上一集嶄露頭角的Mark，今集更加搶灘！在Mandy通關考驗中，Mark是第一個出戰的勇者，不過他卻放棄表現自己，反而捉實Mandy將他送到東東跟前兼搞笑謂：「只有佢（東東）先可以暖到你（Mandy）個心呀。」而全程與Oscar有說有笑的他，當見到Oscar爭櫈仔連環失利，Mark在Kanis的通關考驗中竟預先跑出去幫Oscar霸位，再等Oscar埋嚟坐穩張櫈，令「金牌媒人」Bob亦大感好奇：「你咁禮讓嚟做乜？」Mark回應：「佢好需要呢個位，佢非常需要。」Mark二度成人之美，獲網民洗版式激讚人品：「Mark神助攻加晒分」、「Mark好好，選擇成全人哋」、「幫其他參賽者製造機會，好好」、「最佳神助攻」、「當然那2位不是他主力追求的女神，但我看到他是立即的反應（禮讓）而不是有預謀和計劃」、「感覺他是很好的隊友和令人舒服的情人」。