現年38歲的盧頌恩（妹頭）早前重返「娘家」新城廣播，接受由余家強主持的節目《余生對話》訪問。從昔日在經典節目《新香蕉俱樂部》的電話接線生做起，到今日成為多棲發展的藝人，妹頭暢談多年來的心路歷程、工作點滴，以及對人生的各種感悟。
重返舊地 感嘆「咪嘅重量」
妹頭憶述，自己當年曾在新城廣播任職暑期工，最初在後台擔任電話接線生，負責篩選聽眾來電，後來才逐步有機會接觸到「開咪」。重回這個熟悉的錄音室，她感觸良多：「細個嗰陣橫衝直撞，覺得開咪係好容易嘅，但今日返到嚟新城廣播，原來個咪係咁有重量。」她坦言，人大了反而更難表達內心想法，因為要一個人真誠地面對咪高峰說話，並不如想像中簡單。
初入行做《新香蕉俱樂部》接線生
妹頭透露，當年《新香蕉俱樂部》因聽眾來電太多，需要找助手幫忙接電話，她在朋友介紹下與一班年輕人一同面試，最終獲選。她憶述擔任接線生的經歷絕非簡單：「真係會同個聽眾傾好耐，去了解個case值唔值得駁入去畀主持。」她更練就了一套分辨真假來電的直覺：「因為好多人打電話上嚟係玩電話，所以我個直覺就要判斷呢個人究竟個case係真定假嘅。」
從模特兒到主持多元發展
妹頭中學時期以模特兒身份出道，其後參加由陳志雲和森美主持的節目《十人巷》，森美更為她改了「龜仙人」這個暱稱。她其後加入有線電視，從評述南非世界盃開始，逐步涉獵旅遊、玄學、靈異等不同類型的節目，更為日本節目《空間改造王》擔任旁白。
她坦言雖然身處的電視台規模較小，但這反而讓她有更多嘗試不同範疇的機會：「例如風水、飲食、旅遊又好，靈異我都試過，講波、講馬我都試過，配音又試過。咁我覺得反而呢個係少啲人嘅情況下我可以得到嘅機會。」對於被外界戲稱為「一姐」，因她是現今唯一合約女藝人，妹頭表示：「我從來冇擺喺心上，我覺得就係做好個節目。」若有人邀請你過檔？妹頭自爆：「好老實，真係未有人搵我過檔，所以答唔到呢個假設性問題。」
盧頌恩（妹頭）接受由余家強主持的節目《余生對話》訪問。
談旅遊節目 苦中作樂最難忘
妹頭多年來拍攝了不少旅遊節目，她認為旅程中總有預想不到的事情發生，而最令觀眾留下印象的，往往是那些「甩漏」的蝦碌場面。她提到拍攝浸溫泉環節時自己最感尷尬：「大家都知我得一套泳衣，就係得嗰套啱，因為長袖可以遮到手臂。」她笑言不是守身如玉，只是覺得自己身形不適合穿泳衣，認為畫面不夠好看，不過她笑言現在團隊已不再強迫她穿著泳衣上鏡。
與李尚正相敬如賓
妹頭與李尚正（阿正）合作多年，主持的《臥底旅行團》系列深受觀眾喜愛。被問及二人關係，她以「相敬如賓」來形容：「即係一個尊敬嘅心態。我覺得佢係一個高智慧嘅外星生物，因為佢真係諗嘢好叻⋯⋯佢有陣時都搞我唔掂，我嘅觀點同佢嘅觀點可以係兩條路線。」她認為自己在合作中主要提供「情緒價值」：「一啲可能佢唔敢興奮嘅地方，我就好興奮，擔當咗嗰一part重要嘅角色反應。買嘢佢唔啱㗎嘛，我好啱喎，咁我就去咗做呢個環節。」
盧頌恩（妹頭）接受由余家強主持的節目《余生對話》訪問。
感情生活舒服最緊要
妹頭透露自己有一位圈外男朋友，但對於感情事向來低調處理。她表示從不會追問對方的過去：「我覺得問嚟都多餘，最緊要當刻個感受係開心舒服，舒服咪繼續咁樣。」她認為拍拖總有變數，但重要的是彼此相處自在。
談生育計劃 隨緣而行
至於有否計劃生育？妹頭坦言：「真係冇呢個計劃，如果時機到，真係有，我會好愛惜佢嘅。你問我依家呢一刻係冇計劃嘅，亦都唔會刻意想去有。」若果將來有小朋友，她希望將「開心」這個因子傳承給下一代：「希望佢開開心心一輩子就算囉，幫佢喺最早期輕輕安排，總之佢開開心心，去做返個真正嘅小朋友。」
寄語後輩主動發光
對於想入行的年輕人，妹頭寄語現今世代已不同以往，不需要被動等待機會：「依家呢個年代同我哋嗰個年代唔同㗎喇，依家係KOL。因為佢哋有自己平台發揮表現自己。以前唔係，以前比較被動嘅⋯⋯依家係你不斷發光芒，人哋就會賞識你。」她鼓勵年輕人專注自己擅長的領域，自然會被人看見。
重溫節目，請於9月18日登入知訊台《余生對話》：https://www.metroradio.com.hk/MetroInfo/
