請外傭最怕遇上「極品」，有網民分享外傭照顧家中狗隻的經歷，疑因對方懶得放狗，屋企竟累積約20篤狗屎，而僱主要求清理後，外傭更反過來指責「咁少事都要嘈」，甚至擅自決定放長假，令事主大感無奈。事件曝光掀起網民熱議，有人更擔心多隻狗交由對方照顧會有安全風險，慨嘆「畀錢買難受」。
示意圖片，非涉事外傭
事主在社交平台Threads以「工人姐姐」為題發帖，表示「尋晚返到屋企，4隻狗屙咗20篤屎」，心知不妙下翻查閉路電視，證實「真係冇放狗」。至翌日早上，事主質問外傭，對方直認「係，冇放」，並以「你話鬼節唔好出街」作為辯解。事主隨即反駁，指對方在鬼節期間明明「日日帶啲狗落街、行山，夜一夜都唔返屋企煮飯」，怒轟對方「宜家你講緊咩」，對其荒謬藉口感到極其無賴與勞氣。
示意圖片
示意圖片，非涉事外傭
更令事主氣憤的是，外傭竟反客為主發脾氣，大聲喝斥事主「你夠啦，我今日放假，咁少事你都要嘈，你平時成日好多要求，我都冇話過你」。事主直言「大佬，佢已經hea到乜」，並指對方平時「一日都唔使煮到一餐，淨係放狗、執屋，仲要都唔係真係好乾淨，我都冇嘈過佢」。事主最後向外傭下達通牒，表明如果想辭職就「俾一個月通知我，唔好喺度發神經」，並透露對方已「先斬後奏買咗機票放聖誕節假，逼我同意」。
示意圖片，非涉事狗
貼文引來網民熱議，大家一面倒力勸事主：「炒啦」、「直接賠錢炒」、「未經同意放假就係曠工啦，炒得」、「工人啲態度反應成個廢老公咁，咁多人質狗質喺佢手，最好換咗佢啦、「真係畀錢買難受」、「一係直接賠錢炒，一係和氣啲啦」。
相信每個香港打工仔都有一個白日夢，就係中六合彩，一夜之間財務自由，唔使再為返工捱生捱死！不過六合彩一獎難求，而網上近日流傳一套「奇招」，聲稱只需220元，便可將49個號碼全部納入投注範圍，更有網民自爆以半注「5膽拖44腳」中獎，獲派逾2萬元。網民對此方法反應兩極，有人直呼想學習「奇招」，亦有人認為最重要始終是「膽」要中。
《富貴逼人》劇照。示意圖片
講到六合彩的基本投注規則，每注只可選擇6個號碼，若以「複式」投注多於6個號碼所組成的所有組合，要買齊49個號碼的全部六字組合、即真正意義上的「全餐」，合共涉及13,983,816注；以每注10元計算，總投注額高達139,838,160元，「全餐」絕非一般人可負擔。
threads圖片
「真全餐」索價逾億元，而近日有過來人便在社交平台Threads發文，分享如何毋須上億元亦能買齊49個號碼。其做法是採用「膽拖」方式，以5個號碼作「膽」，其餘44個號碼作「腳」，變相令49個號碼全部被覆蓋在注項之中。不過帖文亦提醒，雖然49個號碼都出现在注項內，但這個方法並非覆蓋所有組合，絕非真正意義上的「包中全餐」。
《富貴逼人》劇照。示意圖片
該網民介紹，在注數與成本方面，「5膽拖44腳」相等於44注六合彩，以每注10元計算，總數為440元；若以半注5元購買，則只需220元，但中獎獎金亦會相應減半。該名過來人正是以半注「5膽拖44腳」的方式投注，最終獲得20,960元獎金，並形容這是「容易啲中嘅六合彩方法」；不過他亦同時承認，這是自己「第1次咁中」。
《富貴逼人》劇照。示意圖片
對於這套「5膽拖44腳」買法，不少人留言指「想學！」，亦有人以誇張方式計算回報，指「1期中20000，六合彩1年有大約150期，1年賺300萬，仲使乜返工，多謝大佬！」。
《富貴逼人》劇照。示意圖片
不過，亦有網民認為此方法雖然可以增加所購買的六合彩號碼數目，但始終運氣成分居多，並直指關鍵在於「膽」能否命中：「5個號碼做膽，剩低44隻腳，所以其實要膽中緊要啲」、「買膽都係要有運」、「首先要選到膽先有用……啲腳畀你買三四十個號碼都無用」、「膽唔中話知你拖幾多，買咗幾多年先中1次呀」、「你5拖44都中，用盡畢生運氣淨係賺嗰兩皮」。
