MIRROR成員Jeremy李駿傑推出全新個人單曲《I Played Me Like A Fool》，作為今年復仇概念企劃的最後一步，歌曲以澎湃的節奏與極具爆發力的高音，展現出有毒關係（Toxic Relationship）的決心。今次Jeremy不僅在音樂上打破過往框架，更邀請到隊友Tiger（邱傲然）身兼導演及主角，二人聯手打造出一齣充滿暗黑與病嬌美學的音樂錄影帶。
Jeremy（李駿傑）全新個人單曲《I Played Me Like A Fool》強勢推出。
Jeremy為「復仇三部曲」畫上圓滿句號。
《I Played Me Like A Fool》由J.Arie(雷深如）作曲、Serrini填詞，並由王雙駿Carl叔叔一手包辦編曲及監製。提及今次的新班底，Jeremy笑言過程十分神奇：「係我嘅歌唱老師Guddy老師有日突然同我講，話有兩個好好嘅Demo問我聽唔聽。聽完之後我覺得非常吸引，就揀咗呢首。Guddy老師平時都有講過J.Arie做嘢 may be好適合我，今次終於有機會合作，真係好正！」
點擊看圖輯
Jeremy（李駿傑）全新個人單曲《I Played Me Like A Fool》強勢推出。
Jeremy為「復仇三部曲」畫上圓滿句號。
首次與J.Arie合作。
Jeremy挑戰入行以來最高難度高音作品。
Tiger（邱傲然）跨刀參演兼執導MV 。
Jeremy與Tiger擦出驚悚「病嬌」火花。
作為復仇企劃的終極篇，Jeremy直言這首歌記錄了一種「你當我傻仔，咁我就親手完結佢」的果斷與決心。歌曲包含大量高音及極重節奏感，更被Jeremy視為個人歌單中難度第一的作品，說：「錄音過程真係好辛苦，音域卡住喺我比較困難嘅高音位，好在事前上多咗幾堂唱歌課去準備。雖然唱到好攰，但相信喺Carl叔叔嘅精細打造下，出來嘅效果一定好有衝擊力。」
首次與J.Arie合作。
Jeremy挑戰入行以來最高難度高音作品。
在MV呈現方面，Jeremy特別請來Tiger（邱傲然）執導兼擔綱演出。Jeremy表示：「平時睇Tiger嘅MV都好有型，有車、有煙、好Man，所以我好想喺自己MV加入呢啲元素。問佢得唔得閒，佢好快就應承咗！」在二人溝通創作概念時，更決定注入少許BL與「病嬌」元素，令整件事的戲劇張力大大提升。
雖然平時關係極熟，但極少面對面極近說話，所以好似在車內極近距離對戲，Jeremy笑言差點忍不住笑。MV拍攝現場更特別安排了真蛇參演，呼應上一首作品《黑蛇傳》的蛇元素，兩位主角亦有「爆樽」等激烈對戲。而最令人驚喜的一幕，莫過於Jeremy親自提議的結局：「原本有一幕係我同Tiger並排瞓喺床上，但我諗諗下覺得唔夠變態、唔夠病嬌，不如改為我趴喺佢心口，聽住佢嘅心跳聲慢慢變冇。呢個詭異嘅結局反而仲精彩！」
Tiger（邱傲然）跨刀參演兼執導MV 。
首次為Jeremy執導MV，Tiger坦言收到邀請時既開心又倍感壓力。Tiger透露：「呢首歌講述一段Toxic嘅關係，Jeremy雖然外表溫文爾雅、比較斯文，但佢喺舞台或者過往作品裡面嘅眼神其實非常銳利。所以我設計咗一個角色反轉，表面上Jeremy好似處於弱勢，但其實佢先係一路以來操控緊呢段關係嘅幕後大腦。」
為了突顯「病嬌」與怪異感，Tiger更在造型與鏡頭上精心構思，例如為Jeremy打造一件超長皮褸，象徵蛇的蔓延與綑綁，讓整體畫面在寫實之中帶有迷幻而危險的色彩。雖然拍攝過程非常緊湊，但Tiger大讚Jeremy極具專業態度，成功呈獻出一齣充滿視覺衝擊的作品。
Jeremy與Tiger擦出驚悚「病嬌」火花。
