愛·回家之三代同糖｜「安多勳」關曜儁為吳若希挑機趙浚承 健身室晒Man Power一決高下超爆笑

無綫處境劇《黃道益活絡油呈獻：愛·回家之三代同糖》（下文簡稱《三代同糖》），由羅永賢（Marco）監製，馬俊縈編審、謝浩洋、潘逸豪執行監製，逢周一至五晚八點翡翠台播映。

Leo醋意大發，向Gary挑機。

Leo晒肌同Gary喺Gym Room進行PK戰。

《三代同糖》今晚（9月24日）播出圍繞關曜儁（Leo）及吳若希（Jinny）的「非里莫屬」。劇情講述安多勳（關曜儁飾）對萬里（吳若希飾）與楊帆（趙浚承）曾成為舞伴一事耿耿於懷，認定楊帆有意追求萬里。醋意大發的安多勳，為了宣示主權，於是在健身室多番向楊帆發起挑戰，以證明自己更勝一籌，場面充滿火藥味，引爆連環笑料……

「跑步PK」Leo火力全開，表情多多+金句連發，勁爆笑。

Leo本身係健身教練，「平板推胸」絕對難唔到佢嘅。

今晚焦點，絕對是Leo及Gary的一場爆笑「爭女大戰」。雙方以三個回合決勝負，包括「Round 1 跑步」、「Round 2 平板推胸」、「Round 3 擲球」。Leo以「真男人」姿態出擊，全程火力全開，晒肌肉兼晒速度，「Man Power」魅力爆燈。其中跑步對決一幕最刺激，Leo出盡全力，雙腿似裝上了摩打，步伐快如閃電；相反Gary以「淡定」姿態迎戰，二人「PK戲碼」笑點滿滿。他在接受官方訪問，談到跑步對決，他坦言：「其實都有啲辛苦，因為真係要跑得好快，都跑咗好幾次，大約幾十秒，如果大家覺得正就當然好啦。」今集Leo可謂體能大爆發，但他透露自己擁有逾10年健身經驗並兼任健身教練，所以在體能上相對比較容易應付。

「擲球PK」同樣搞笑。

Leo為咗Jinny 霸氣全開，安多勳呢個角色「傻更更」觀眾都好鍾意。

另外，Leo亦化身「表情王」及「金句王」，今集嘴部表情多多，「得戚嘴」、「呆萌嘴」、「挑機嘴」輪流登場，五官由頭到尾冇停過，喜劇感爆燈。除了表情，Leo連把口都「冇抖過」，金句一浪接一浪，「你條電燈柱」、「畀你睇吓咩叫真男人」、「有啲慢喎，行都快過你」、「男人最緊要係快」等，句句有火。Leo受訪時坦言，今集其實加入了不少個人元素：「因為都拍咗一段時間，觀眾都好接受呢種程度嘅安多勳，當我去諗呢個角色嘅時候，其實佢可以做得誇張少少，所以我就諗唔同嘅表情擺落去。」今集兩位男士對決可謂火花四濺，爆笑十足，值得期待。

無綫處境劇《黃道益活絡油呈獻：愛．回家之三代同糖》（下文簡稱《三代同糖》），由羅永賢（Marco）監製，馬俊縈編審，馬俊縈、謝浩洋、潘逸豪執行監製，逢周一至周五晚八點翡翠台播映。

Leo一早去酒樓攞位兼嗌晒點心，服侍周到。

主動幫陌生老人家斟茶。

徐榮叫Leo幫人要適可而止。

今晚（11月13日）播出的《三代同糖》「安教練育成記」，劇情講述程祥劍（徐榮飾）得罪富二代Haydrian（董敬文飾），健身室慘遭對方惡意挖角。面對員工清零與業主加租，程祥劍叫安多勳（關曜儁飾）出戰電視台的「體能No.1」比賽，希望他奪得獎項為健身室打響名堂。與此同時，安多勳還要義務照顧身體欠佳的堅伯（張武孝，大AL飾），分身乏術的他最終能否順利奪冠？

徐榮的健身室教練集體辭職，原來係董敬文搞鬼。

徐榮的健身室教練集體辭職，原來係董敬文搞鬼。

飾演安多勳的關曜儁（Leo）於今集再次做「搞笑擔當」！劇中的安多勳性格樂天、唔怕蝕底，熱心助人的程度可謂「好人到離譜」，就連「好好先生」程祥劍（徐榮飾）都睇唔過眼！安多勳四出幫人期間，頻頻講充滿「超級正能量」的搞笑對白，加上充滿喜感的肢體動作，必定能令觀眾捧腹大笑。

Leo見大AL周身痛，唔收錢教做健身。

Leo見大AL周身痛，唔收錢教做健身。

本身是健身教練的Leo，今次在劇中可謂「本色演出」，除了教大AL健身，更藉着劇情對白，窩心提醒電視機前的「老友記」要做適當運動來強身健體：「好多老人家覺得老咗就係咁（周身痠痛），但其實唔係㗎」、「透過科學化嘅運動訓練，可以令到你肌肉力量提升番。」

Leo接受官方訪問時笑言，現實中的自己與角色安多勳一樣，經常教「老友記」做運動：「例如我會拍啲影片放上網，或者冇咁忙嗰陣，我哋就會搞義工日，叫啲長者上嚟我哋公司度做運動，不過唔係單對單，係一班人。因為始終時間有限，我就一Group人咁教。」

大隻Leo盡顯力的表現。

Leo參加「體能No.1」比賽。

談及在劇中挑戰「體能極限比賽」，Leo表示憶起今年5月自己與張振朗、朱敏瀚及周嘉洛一同參加類似的室內健身耐力賽：「成績相當之唔錯，咁啱拍呢一集又再做番呢一個訓練，勾起好多回憶。」此外，Leo坦言最難忘的一場戲是幫大AL執水樽：「嗰一幕係成個地下都係水樽，但我要一邊講對白、做表情同執晒啲水樽，所以係有啲手忙腳亂嘅。」他更對大AL的精湛演技讚不絕口：「劇情講佢畀人撞到，佢有一下我以為真係跌親，我即刻扶起佢，都大力咗，跟住佢話『我扮㗎咋、我