影視大亨向華強太太向太（陳嵐）近年積極經營個人頻道，向來心直口快嘅佢經常大談人生及家庭話題，今次就將焦點放到「育兒」之上。向太近日拍片分享自己嘅獨門育兒心得，更以張智霖（Chilam）與袁詠儀（靚靚）19歲兒子「魔童」（張慕童）作為例子，大談子女升學及人生選擇，金句頻出，隨即引起網民熱議。
向太大爆魔童休學
向太直言，養育子女就好似「開盲盒」，父母根本無法預計孩子將來會走上邊條路，更加唔可以強行控制。她感嘆：「每一個孩子都有他自己的命。」
點擊看圖輯
向太大爆魔童休學
魔童在爸爸演唱會擔任結他手
開明嘅Chilam則相信「讀萬卷書不如行萬里路」，認為人生經驗同實踐同樣重要
夫妻二人達成共識，選擇尊重兒子自己嘅決定，讓魔童從大學休學
在向太眼中，父母最重要嘅責任，並唔係不斷砸錢催谷子女讀書，而係要具備隨時為子女「兜底」嘅能力。講到呢度，向太就提到Chilam同靚靚嘅獨子魔童。
據了解，魔童原本考入英國倫敦藝術大學，修讀數位媒體藝術專業，不過讀咗一年後便決定退學，轉攻自己有興趣嘅音樂，選擇以自學方式發展。
魔童在爸爸演唱會擔任結他手
向太提到，魔童無意繼續升讀大學，更曾向父母表明想自學音樂，甚至打算日後爸爸開演唱會時上台表演彈結他。對於年輕人未必一定要走傳統升學路線，向太就直言：「很多音樂人都沒有上過大學。」
魔童退學一事，父母最初嘅想法亦唔完全一樣。靚靚起初希望兒子可以完成大學學業，先累積一定知識及底蘊；不過思想較為開明嘅Chilam則相信「讀萬卷書不如行萬里路」，認為人生經驗同實踐同樣重要。最終，夫妻二人達成共識，選擇尊重兒子自己嘅決定。而靚靚亦曾表明，唔會利用自己同丈夫嘅娛樂圈人脈替兒子鋪路，希望魔童將來靠自己實力打拼。
開明嘅Chilam則相信「讀萬卷書不如行萬里路」，認為人生經驗同實踐同樣重要
夫妻二人達成共識，選擇尊重兒子自己嘅決定，讓魔童從大學休學
換句話講，父母可以提供意見，但最後條路點行，仍然交返畀仔女自己決定。
向太一番「開盲盒」育兒論發布後，網民反應相當兩極。有人認同佢嘅講法，認為每個小朋友都有自己嘅性格同興趣，未必一定要用大學學歷定義成功；如果子女有明確目標，願意為自己嘅選擇負責，發展興趣及專業同樣可以係一條路。
但另一邊亦有不少網民提出現實問題：星二代背後擁有龐大家庭資源，就算試錯，都有相對充足嘅「兜底」空間，普通家庭未必可以照辦煮碗。
亦有網民認為，問題未必只係「讀唔讀大學」，而係子女有冇能力為自己嘅選擇負責，以及離開傳統升學路線後，有冇實際計劃及一技之長。
