戴夢夢升呢人母首個中秋晒B女 7個月Brianna親子裝出鏡

去年底誕下B女的藝人戴夢夢，升呢做媽媽後迎來第一個中秋節，日前（23日）率先在社交平台派「囡囡福利」，晒出與愛女Brianna的溫馨母女合照，提早迎接中秋佳節。

戴夢夢去年底誕下B女

相中兩母女齊齊穿上花邊親子裝，畫面Sweet到漏！年紀尚小的Brianna戴夢夢身旁，肉肉小手肥嘟嘟，精靈地望住鏡頭，萌樣成功搶盡媽媽風頭。

兩母女齊齊穿上花邊親子裝

戴夢夢亦趁住佳節分享Brianna的成長點滴。她透露，今次公開的照片其實是在Brianna約7個月大時拍攝，當時BB女仍然未識爬，轉眼間已經快將10個月大。

呢張相Brianna只有約7個月大

她留言寫道：「過多幾日Brianna就10個月啦，影呢輯相嘅時候，好似係七個月，嗰陣時都仲未識爬。後日就係你人生第一次過中秋節，以後都仲有好多個第一次，媽媽同爸爸都會陪住你每一次的第一次。」

肉肉肥手仔

作為媽媽，戴夢夢沒有大談物質享受，反而分享最簡單的心願，感性表示：「作為父母，只希望見到兒女健康快樂成長，聽上去好似好簡單，但就係咁樣就已經足夠了。因為健康快樂就是最無價的。」

作為父母，只希望見到兒女健康快樂成長

最後她亦向大家送上中秋祝福：「預祝大家中秋節快樂，人月兩團圓。」

無人不愛的經典音樂劇《貓 Cats》，又再強勢重臨香港舞台！首首動人作品由音樂劇大師 Andrew Lloyd Webber 親自操刀，改編自諾貝爾文學獎得主 T.S. Eliot 的經典詩集。憑藉破格的舞台設計、劃時代的編舞及華麗細緻的貓咪造型，這齣經典音樂劇曾在劇場界引起過前所未有的迴響，更屢破全球音樂劇票房紀錄。音樂劇雖以群貓為主角，但它帶來的影響力，早已超越單純的貓咪神秘故事世界。

經典音樂劇《貓 Cats》重臨香港舞台

黃建東

李壁琦

賈思樂

莊思敏

莊思敏、黃建東

經典音樂劇《貓 Cats》重臨香港舞台

經典音樂劇《貓 Cats》重臨香港舞台

孫慧雪帶同愛兒現身

8月6日於戲曲中心舉行首演禮，眾多藝人盛裝出席星光熠熠，包括：賈思樂、戴夢夢、韋綺珊、劉洋、金凱、莊思敏、黃建東、李壁琦、蘇韻姿、張家誠、沈殷怡、蔡宛珊、孫慧雪、丁子朗等等。剛從大馬返港的莊思敏、黃建東成為焦點，分享莊思明的婚禮喜悅外，更大談對舞台劇的感受！

莊思敏話佢以前未有機會睇過《貓 Cats》，身邊朋友話這齣劇好好睇，加上她對舞台劇演出好有興趣，阿東就話自己是讀戲劇出身，所以不能錯過要欣賞《貓 Cats》，更搞笑話如果有機會都希望同 莊思敏 一齊合作演出。

賈思樂專誠來欣賞《貓 Cats》音樂劇，好期待聽劇中經典歌曲《Memory》，而音樂劇作曲人 Andrew Lloyd Webber 是世界知名的。

Louis 話30年前他跟着 EYT 去英國拍外景，趁機去欣賞這齣音樂劇，當時已經覺得好好睇，事隔30年好多劇情都忘記了，今次《貓 Cats》在香港演出就決定要來重溫。

蘇韻姿原來8，9歲在加拿大就睇過《貓 Cats》，當時年紀細，見到劇中人扮貓，還以為是真的，而呢晚佢最想聽是《Memory》，因為她亦曾經唱過這首歌，實在太難唱。

孫慧雪帶同愛兒現身，指愛兒是舞台劇迷，專程帶他捧場：「佢都做咗好多次舞台劇，睇見佢綵排其實都好辛苦，我自己做演員就唔想佢第時做呢行，不過我知道佢心目中好想成為演員！我哋之前專登去咗美國睇音樂劇，其實覺得香港文化氣氛好濃、好好睇！」