一周星星｜「長短腿之戀」王祖藍李亞男愛情秘史全公開 蔡少芬一句說話逼祖藍攤牌

TVB娛樂訪談節目《一周星星》，明晚（9月27日）10點05分翡翠台播出。今集請來圈中「模範夫妻」王祖藍與李亞男擔任嘉賓，接受主持許文軒訪問。除了為旅遊節目《藍朋友·旅朋友》宣傳之外，兩人更會大談由地下情、分手、復合到結婚生女的愛情故事，更公開多段從未曝光的戀愛秘密。

祖藍、亞男大談戀愛秘史。

蔡少芬隔空爆料。

祖藍當年為追亞男禁食40日，認真誇張。

蔡少芬一句說話扭轉「藍男戀」 為愛禁食40日
在祖藍與亞男的戀愛過程中，好朋友蔡少芬（Ada）及資深前輩黃愷欣扮演了重要角色。講到當年因Ada贈予一句說話「以退為進」，令他與亞男關係有所突破，祖藍憶述：「佢冇明顯講「以退為進」四個字，佢話『你同亞男講，一係拍拖，如果唔係我就唔等，連朋友都唔好做』。」亞男坦言當時相當糾結：「朋友都唔做得？我唔可以冇咗呢個閨密喎。我有問欣姐（黃愷欣），話好糾結，到底同唔同佢一齊？」愷欣姐成為她感情路上心靈導師。

郭晉安、鍾嘉欣，岑麗香隔空提問。

郭晉安、鍾嘉欣，岑麗香隔空提問。

郭晉安、鍾嘉欣，岑麗香隔空提問。

為愛豁出去的祖藍，更自爆為了能夠與亞男在一起，曾經禁食40日：「我冇食嘢禁食咗40日。喺最後嗰日，佢後尾約我出嚟決定畀個答案我，就係我喺TVB拍緊《奇幻旅程》MV，係我人生最瘦嘅時候，嗰一晚就係我哋喺埋一齊嘅第一晚。」講到當年玩地下情，第一次拍拖去旅行往事，祖藍自爆當時特意選擇去瑞士盧加諾，因為當地較少有華人臉孔出現，能自由自在享受生活。

祖藍揭秘當年向亞男求婚最初計劃。

《藍朋友·旅朋友》熱播中，非常好睇。

為事業分開三年 祖藍睇緋聞睇到傷心
今集焦點，絕對是祖藍談到與亞男為事業分開三年往事。祖藍自爆從2006年開始，大家為了事業分開了三年，期間大家可各自搵另一半：「三年時間我同佢係單純做朋友。」被問到難唔難忍？祖藍坦言：「梗係難忍，當初耐唔耐睇到佢有緋聞，睇到又以為係真，嗰陣時都有啲傷心。」亞男反爆：「佢打嚟問係唔係真？」祖藍更忍不住爆料：「胡蓓蔚直情出嚟幫佢約人相睇，偏偏就冇喺埋一齊。」想知道更多內容，就要留意節目播出。

在「你問我答」環節，請來好朋友郭晉安、鍾嘉欣、岑麗香隔空提問。包括「亞男在閨密團中是甚麼擔當？」、「如果兩個女兒想去選美，你們會有甚麼反應？」、「何時開拍新輯《老表》？」等，祖藍還大爆當年向亞男最初求婚計劃，想睇祖藍與亞男笑中有淚的愛情故事，就要密切留意明晚播出的《一周星星》。

TVB綜藝旅遊節目《藍朋友·旅朋友》由王祖藍主持，以貼地風格深度走訪廣西、福州、溫哥華三大城市，一連三星期逢周一至周五翡翠台晚上10點半播映。今個星期的《藍朋友·旅朋友 福州篇》，祖藍繼續請來劉倬昕（Sam）及潘靜文（Sherman）擔任飛行嘉賓。今晚（9月25日）祖藍與Sherman走訪福州平潭，大歎台式美食之餘，更會體驗高山族文化；另祖藍又重回廣西，帶Sam出席上星期剛剛於南寧揭幕的「第23屆東盟博覽會」。

祖藍被「台南香芹炒烏魚胗」考起，一臉疑惑超搞笑。

祖藍發揮「扮嘢王」搞笑本色，大跳原住民舞蹈。

祖藍發揮「扮嘢王」搞笑本色，大跳原住民舞蹈。

祖藍講原住民話似模似樣。

二人合唱《我結婚了》超好聽。

「扮嘢王」祖藍再出動 Sherman「台妹」上身
祖藍與Sherman在平潭先後品嚐了「嘉義鐵板豆豉鮮蚵」、「高山族鹹豬肉三拼」、「南投苦瓜鳳梨雞湯」等，當二人吃「台南香芹炒烏魚胗」時，連「食家」祖藍亦被考起，還一度以為是雞腎，幾經解釋後才知原來是烏魚胃部，可謂老貓燒鬚。

另二人還走訪了平潭博物館及君山鎮磹水村長坪頂，有「扮嘢王」之稱的祖藍，在平潭博物館模仿高山族原住民「搖擺式跳舞」之餘，就連原住民話都講得有板有眼。另祖藍透過虛擬體驗試穿原住民族服飾，瞬間變成高山族勇士，獲Sherman嬌嗲大讚：「好可愛Oh！」。二人還趁機在高山坪頂大展歌喉，合唱《我結婚了》，就連當地人亦被二人歌聲吸引，紛紛舉機拍攝應援，似足小型戶外演唱會。

祖藍、阿Sam參加「第23屆東盟博覽會」。

祖藍玩「空氣爵士鼓」，瘋狂對住空氣喪打。

祖藍、Sam與機械人共舞。

Sam講英語超勁，不愧為學霸。

Sam大晒流利英語 好聽到耳朵懷孕
今集另一亮點，是祖藍回到廣西，帶Sam出席上星期剛剛於南寧揭幕的「第23屆東盟博覽會」。二人在科技區大玩「空氣爵士鼓」及「人機共舞」，玩得極度投入的祖藍，期間不忘自嘲：「如果喺隔籬屋見到有啲咁嘅人，真係會以為佢黐線。」而二人與機械人共舞時，靈活的祖藍與生硬的Sam形成強烈對比，場面搞笑。雖然Sam在《藍朋友‧旅朋友》中連環出師不利，不是對食物常識不足，跳舞功架又得啖笑，但當她今晚一集以英語訪問馬來西亞對外貿易發展局中國及東北亞事務總監—馬茲蘭·哈潤時，卻馬上醒神晒，夠晒流利之餘，發音與咬字都十分標準，不愧為學霸。