/wp-content/uploads/blogger/2020/03/sebastian_FB_02.jpg.webp)
政府同TVB聯手打造的迷你短劇《好嘢港多啲》，每集兩分鐘，由人氣藝人參演，介紹香港各式各樣「好嘢」。剛於上周六（9月19日）播出嘅一集就由藝人譚俊彥、羅天宇同林凱恩細說行政長官李家超剛於9月16日公布嘅《香港第一個五年規劃》，如何為香港未來五年的發展鋪路，如何喺完善行政主導、提升治理效能之下，主動對接國家發展戰略、更好融入同服務國家發展大局提供指導方向。
新一集《好嘢港多啲》由譚俊彥、羅天宇同林凱恩細說香港第一個「五年規劃」如何主動對接國家發展戰略、更好融入同服務國家發展大局。
短劇中，由譚俊彥飾演的何教授，同由羅天宇飾嘅得意門生Martin，仲有林凱恩飾演、來自廣州嘅IT專才Sharon，三人就《五年規劃》帶嚟嘅龐大機遇同發展討論一番。
其中，畢業後入咗投行工作嘅Martin問到「Professor 何」，對近期熱話嘅香港第一個「五年規劃」有咩睇法？何教授就話，香港五年規劃意義重大，因為全面對接國家「十五五」規劃，精準定位，制定香港中長期發展藍圖。
Martin最關心嘅係推進「四中心、一高地」嘅發展，特別係鞏固香港作為國際金融中心地位，對於做投行嘅佢，感覺特別有吸引力。
眾人提到，政府致力加快建設北部都會區，推動「產、學、研」一體化，打造「國際創科樞紐」，作為香港未來經濟引擎。
何教授就話，政府致力加快建設北部都會區，推動「產、學、研」一體化，而三個大學城更加係「重中之重」。 Sharon就補充，北都仲有河套深港科技創新合作區，具「一區兩園」優勢，政府要集中火力把嗰度打造成為「國際創科樞紐」，全部都係香港未來嘅經濟引擎。
本身係IT專才嘅Sharon仲話， 以後資訊科技可以喺河套做研發，往返大灣區，真係又方便又快捷。
由林凱恩飾演嘅IT專才Sharon話，《五年規劃》深化粵港澳大灣區合作，簡直是「強強聯手」。
何教授都好認同，佢話香港五年規劃另一重點，就係深化粵港澳大灣區合作，促進人員、數據、資金同物資便捷流動。Sharon都大讚，加上大灣區產業鏈，簡直是「強強聯手」啊！
Martin對兩人見解都非常贊同，因為說到底，金融經濟發展嘅成果，要畀廣大市民真正受惠，大家才會有共鳴。 難怪何教授都話，政府要將發展經濟同改善民生，形成動態循環，有安定民生，經濟才有韌性。
大家都異口同聲認為，香港首個《五年規劃》為香港未來提供一個清晰嘅發展藍圖，共享國家發展成果同國際機遇，香港咁多「好嘢」，真係要「港多啲」！
Sebastian
** 博客文章文責自負,不代表本公司立場 **
