打工仔放工返屋企遇「地獄級意外」 鎖匙斷死鎖芯被困門外　網民教路點自救

每日放工返屋企最驚就係有家居意外，尤其是臨開門一刻，如果「有屋入唔到」，真的是地獄級恐怖故事。日前就有網民在網上發帖求助，指自己放工回家開門時，鎖匙竟然「啪」一聲應聲折斷，半截殘留的鎖匙死死地卡在鎖芯內，導致整個人被反鎖門外，進退兩難。事主徬徨之際，急向廣大網民請教應否聯絡房屋署維修，或是自行在外面尋找開鎖師傅處理，貼文曝光引來大批過來人分享慘痛經驗與各種奇招。

示意圖片

網上圖片

據事主分享的門鎖特寫相片可見，金屬鎖孔正中央卡著半截折斷的扁平鎖匙，斷口相當平整且深陷鎖膽內部，幾乎與鎖孔表面齊平，增加取出難度。貼文曝光後，不少網民傳授低成本拔出斷匙的偏方，不少人提到「熱熔膠大法」，有用家力撐只要到五金舖買一條熱熔膠棒，用打火機燒熔後壓入鎖孔，待冷卻凝固後便能將斷匙掹出。

網民紛紛傳授各式低成本拔出斷匙的獨門偏方。網上圖片

不過有網民隨即指出盲點，質疑事主已被反鎖門外，「膠槍在屋內」兼且「門外無插頭」。亦有人提出土炮方案，建議燒熔原子筆殼膠頭、膠索帶頭，甚至是燒溶牙刷柄代替，還有網友提議利用口罩內的鼻位鐵線深入鎖芯「鈎」出斷匙，或使用強力磁石。

《愛回家》劇照，示意圖片

有網友提醒事主，公屋維修通常需要預約排期，「你急佢唔急」，尤其若遇上周末假日，隨時等到在門口露宿。不過，也有人建議可嘗試聯絡座頭保安，看看能否安排「特事特辦」的緊急維修。

至於私人鎖匠，網友們指收費差異極大。單純叫師傅上門開鎖的基本消費約為650元，若遇到鎖具損壞要連工包料更換鎖膽，在港島區收費曾高達1,300元，「最省錢的方法是設法先入屋，再自行拆下鎖芯到五金舖配對，鎖膽成本僅需數十元至百多元。」還有網友分享慘痛教訓，指曾因處理不當、做錯步驟，最終導致更換整組高級門鎖系統，白白花費了5,500元之多，「若無絕對把握，不應胡亂嘗試具破壞性的開鎖方法。」

路跑熱潮下，有跑友慣於結伴在鬧市練跑。日前網民發文批評一批跑手在灣仔行人路集體衝過，形同將公共行人路當作「私家跑道」「為咗打卡，要成條街嘅人就晒你哋」，更斥其為打卡而無視他人，帖文隨即引發熱議。

網上圖片

社交平台上流傳的影片所見，數十名跑步群組參加者晚上相約在港島集體跑步，同行有攝影師陪同拍攝。眾人由灣仔修頓球場對出的軒尼詩道過馬路，及後在行人路於其他市民之間穿插，期間有跑手對鏡頭「擺pose」。一行人及後跑往灣仔海濱，最終返回市區「衝線」。

期間有跑手對鏡頭「擺pose」。網上圖片

有網民在社交平台Threads引用該影片發文，對跑步群組在繁忙市區行人路上跑步表達不滿，反問：「香港人成日笑廣場舞大媽霸佔公共空間、騎劫寧靜環境自High，咁呢班跑步X又有咩分別？」他指該批跑手明知灣仔一帶行人路空間狹窄，卻「仲要一大班人一齊衝過去」，「將鬧市行人路當正自己私家跑道」，認為他們「為咗自己威、為咗打卡，要成條街嘅人就晒你哋。講到尾，都係冇同理心」。

網上圖片

網上圖片

帖文一出，引來網民兩極反應。有網民認同樓主觀點，質疑路線選擇本身已有問題：「點會簡呢條路黎跑，要跑去海傍都搵條好啲嘅路線」、「一係就去公園運動場，一係就夜啲等條街無咁多人啦」。亦有人從跑步動機出發批評：「真係鍾意跑步嘅，點會揀人多灰塵又多嘅大馬路跑，呢班人想威想打卡想show身材show生活態度show自己有幾chill有幾與眾不同。」有留言提到類似情況並非孤例：「成日有啲跑會，成百幾二百跑友霸晒條路，成班大遷徙咁。」亦有本身是跑手的網民表示：「我都係跑步人，但呢啲一大班人擾人又為(打)卡行為真係令人討厭。」另有網民認為這類跑手「鍾意到處show off，都係想玩Hyrox，不過有啲負擔唔起。」

網上圖片

另一邊廂，亦有網民為跑步人士護航，認為實際影響有限：「晚上行人稀疏，跑步又冇聲，其實阻街都係好輕微，幾秒時間好短，可以包容。」有人雖認同跑手在市區跑步需顧及其他道路使用者，但反對以廣場舞大媽作類比：「喺市區跑步都係要顧及其他道路使用者，但用廣場大媽去相比就好牽強，廣場大媽何只係佔用公共空間，佢哋騷擾人嘅時間唔會係得嗰幾秒，仲要大大聲播住娘到爆啲歌。」