一周星星｜梁詠琪罕談與黎明合作點滴 陳慧琳楊千嬅隔空爆料

TVB娛樂訪談節目《一周星星》，今晚（10月4日）10點05分翡翠台播映。今集請來「短髮女神」梁詠琪（Gigi）擔任嘉賓，接受主持許文軒訪問，除了為即將在11月舉行的紅館騷《梁詠琪LOVE GiGi愛自己世界巡迴演唱會—香港站》宣傳之外，更會大談入行多年難忘事及結婚生女後的心路歷程。

焦點圖片

節目中重溫Gigi初出道時第一次電視畫面演出，包括《黎明音樂特輯之北京的黎明》（1994年）、《梁詠琪音樂特輯之加州琪遇記》（1998年）。談到當年演出，Gigi自覺好自然：「我嗰陣時冇學戲，我覺得我嗰陣時吸引人嘅地方，係一個素人嘅演出，做得好單純好純粹，嗰樣嘢我哋可能已經重拾唔返。」她更笑言：「我上一世做咗啲咩好事，可以同黎明拍音樂特輯。」

Gigi 即將喺11月舉行紅館騷《梁詠琪LOVE GiGi愛自己世界巡迴演唱會—香港站》。

Gigi分享初出道拍攝音樂特輯點滴。

Gigi分享初出道拍攝音樂特輯點滴。

電影方面，初出道的Gigi在1995年連續演出三部電影作品，分別是《流氓醫生》、《百變星君》、《烈火戰車》，其中與「天王」劉德華（華哥）有多次合作。節目中重溫一段華哥在《梁詠琪：高妹G夜》（2011年）對Gigi講過一番說話的片段，Gigi憶述：「佢真係好好，首先佢唔嫌太高。我初入行時候，有導演或者演員見到我『嘩，Gigi你太高』，我細個覺得高度並唔完全係一個優點，都有缺點。但我冇諗過入咗行真係一個缺點。」

Gigi同華哥合作過好多次。

節目還請來同期出道的「天后」陳慧琳（Kelly）、楊千嬅，以及伯樂陳少琪隔空分享趣事及爆料，包括「對Gigi的初印象？」、「與Gigi同期出道，會視對方為競爭對手嗎？」、「你會選擇刪除過往哪一段往事？」千嬅記得有一年做巡迴演唱會，Gigi工作完後過來看演唱會，令千嬅非常感動，Gigi回應：「我覺得我哋都會經歷過喺風口浪尖嘅時候，我覺得最實際就係一種支持，呢啲舉動看似好細微，但係其實我哋知道每個人經歷咗啲乜嘢，係需要一啲支持嘅。」另外，Gigi還會分享與另一「天后」鄭秀文（Sammi）一段難忘事。

Kelly、千嬅、陳少琪隔空分享趣事。

Kelly、千嬅、陳少琪隔空分享趣事。

Kelly、千嬅、陳少琪隔空分享趣事。

Kelly、千嬅、陳少琪隔空分享趣事。

Gigi分享同Sammi難忘事。

Gigi大談難忘事。

今集焦點，是Gigi罕談與老公Sergio初相識經過。只相識對方兩日即認定，Gigi憶述當下感覺：「好似係呢個人喎！」、「呢個男仔好真」、「對佢印象幾好」，最後還叫好姐妹許茹芸幫眼。講到婚後生活，Gigi表示Sergio令她改變許多，對方積極正能量態度，令Gigi內心想法因而改變。想睇Gigi笑中有淚的入行故事及甜蜜婚姻點滴，就要密切留意今晚播出的《一周星星》。

Gigi咁多年都咁靚。

Gigi咁多年都咁靚。

Gigi咁多年都咁靚。

Gigi咁多年都咁靚。

Gigi大方分享婚後事。

Gigi大方分享婚後事。

好姐妹許茹芸隔空爆料。

TVB娛樂訪談節目《一周星星》，明晚（9月27日）10點05分翡翠台播出。今集請來圈中「模範夫妻」王祖藍與李亞男擔任嘉賓，接受主持許文軒訪問。除了為旅遊節目《藍朋友·旅朋友》宣傳之外，兩人更會大談由地下情、分手、復合到結婚生女的愛情故事，更公開多段從未曝光的戀愛秘密。

祖藍、亞男大談戀愛秘史。

蔡少芬隔空爆料。

祖藍當年為追亞男禁食40日，認真誇張。

蔡少芬一句說話扭轉「藍男戀」 為愛禁食40日
在祖藍與亞男的戀愛過程中，好朋友蔡少芬（Ada）及資深前輩黃愷欣扮演了重要角色。講到當年因Ada贈予一句說話「以退為進」，令他與亞男關係有所突破，祖藍憶述：「佢冇明顯講「以退為進」四個字，佢話『你同亞男講，一係拍拖，如果唔係我就唔等，連朋友都唔好做』。」亞男坦言當時相當糾結：「朋友都唔做得？我唔可以冇咗呢個閨密喎。我有問欣姐（黃愷欣），話好糾結，到底同唔同佢一齊？」愷欣姐成為她感情路上心靈導師。

郭晉安、鍾嘉欣，岑麗香隔空提問。

郭晉安、鍾嘉欣，岑麗香隔空提問。

郭晉安、鍾嘉欣，岑麗香隔空提問。

為愛豁出去的祖藍，更自爆為了能夠與亞男在一起，曾經禁食40日：「我冇食嘢禁食咗40日。喺最後嗰日，佢後尾約我出嚟決定畀個答案我，就係我喺TVB拍緊《奇幻旅程》MV，係我人生最瘦嘅時候，嗰一晚就係我哋喺埋一齊嘅第一晚。」講到當年玩地下情，第一次拍拖去旅行往事，祖藍自爆當時特意選擇去瑞士盧加諾，因為當地較少有華人臉孔出現，能自由自在享受生活。

祖藍揭秘當年向亞男求婚最初計劃。

《藍朋友·旅朋友》熱播中，非常好睇。

為事業分開三年 祖藍睇緋聞睇到傷心
今集焦點，絕對是祖藍談到與亞男為事業分開三年往事。祖藍自爆從2006年開始，大家為了事業分開了三年，期間大家可各自搵另一半：「三年時間我同佢係單純做朋友。」被問到難唔難忍？祖藍坦言：「梗係難忍，當初耐唔耐睇到佢有緋聞，睇到又以為係真，嗰陣時都有啲傷心。」亞男反爆：「佢打嚟問係唔係真？」祖藍更忍不住爆料：「胡蓓蔚直情出嚟幫佢約人相睇，偏偏就冇喺埋一齊。」想知道更多內容，就要留意節目播出。

在「你問我答」環節，請來好朋友郭晉安、鍾嘉欣、岑麗香隔空提問。包括「亞男在閨密團中是甚麼擔當？」、「如果兩個女兒想去選美，你們會有甚麼反應？」、「何時開拍新輯《老表》？」等，祖藍還大爆當年向亞男最初求婚計劃，想睇祖藍與亞男笑中有淚的愛情故事，就要密切留意明晚播出的《一周星星》。