本地男裝品牌為慶祝新店盛大開幕，特別邀請到兼具時尚魅力的 Jeffrey（魏浚笙）擔任剪綵嘉賓。Jeffrey 當日型格上陣，吸引大批粉絲到場支持。他笑言自己平日十分鍾情買衫，更透露有計劃進軍時裝界：「我自己好鍾意買外套，因為可以襯好多唔同嘅衫。件件衫我都會再著，從來都唔會著一次就要即刻換款。」問到若將來創立個人品牌，會否找藝人好友撐場做模特兒？他笑指：「咁又冇諗咁多喎，如果真係落實去做，到時可能會再諗 marketing 上面點樣配合。」
Jeffrey魏浚笙
近日 Jeffrey 在 ViuTV 及 HOY TV 主演的電視劇接連播出，形成「緊接播出」的局面，他笑言希望粉絲多看電視：「咁咪多啲睇電視囉！其實最希望大家多啲工作機會。有唔同嘅工作開拍，對演員同工作人員都好，一齊有得開工係一件好開心嘅事。」至於想不想接拍更多劇集？他坦言：「我覺得拍咩都要諗多啲，因為咁樣可以畀自己多啲演繹機會；對於角色嘅研究同演繹層面，亦會多咗唔同嘅感覺同層次。」魏浚笙亦十分感激導演的賞識，坦言能參與劇集拍攝，令自己獲得不少寶貴的訓練機會。
Jeffrey魏浚笙
Jeffrey魏浚笙
觀眾翹首盼望的ViuTV原創劇《安信兄弟為你呈獻：地獄大狀》即將於10月5日強勢登場，逢星期一至五晚上9時30分播映。劇集由MakerVille出品，銀河映像製作，幕後團隊包括監製朱淑儀、監製及編審何靜怡、導演黃偉傑。故事講述由林愷鈴（Ashley）飾演的大律師邱蔭蔭有日突然遇襲，她在彌留之間遇上一位已死富翁，並受其委託重返陽間，為他處理遺產！死過翻生幫鬼打官司，邱蔭蔭見證爭產的光怪陸離，親歷活人把死人激到「從棺材彈起」。遺產的意義，到底是祝福，或是詛咒？
林愷鈴飾演的大律師邱蔭蔭表面冷漠，但內心其實十分柔軟。
林愷鈴（Ashley）飾演的大律師邱蔭蔭仇人比親人多，表面上她說話鋒利不留餘地，理性得近乎冷漠，現實得近乎冷血，不過Ashley對角色卻有更深層的解讀：「可能因為童年一啲唔開心嘅經歷，人與人之間嘅感情未必畀到蔭蔭好大安全感，或者佢對呢樣嘢都有少少恐懼，所以佢表現到對世界有一道牆咁，用嚟保護自己，但佢內心其實係非常柔軟。」
現實中林愷鈴覺得她與角色的性格很不一樣。
被問到現實中的自己跟角色性格相不相似？Ashley覺得她與蔭蔭很不一樣：「我係一個幾怕事同內向嘅人，對住人會採取比較溫和嘅方法去溝通或者談判。蔭蔭就係好強硬，一出嚟係就係，唔係就唔係，唔需要睇人面色，可能因為角色設定上佢都比我大10年，已經喺社會上有一定程度嘅權威。」
劇中的地獄場景，令林愷鈴有一種身在異世界的感覺。
作為一位女演員，Ashley很喜歡今次的劇本，她說：「個故事非常新穎，又有啲同大狀、法律相關嘅劇情，亦帶住一啲奇幻色彩，例如我地個地獄場景咁，都有一種去咗異世界嘅感覺。」Ashley又謙虛地表示，因為拍攝期間一直遇到很多好演員，令蔭蔭這角色更立體：「每一次遇到唔同嘅對手，都會產生唔同嘅火花出嚟，令蔭蔭多咗好多唔同嘅面向，即係好似現實生活中，一個人對住唔同人都有唔同面向咁，角色咁立體唔係我刻意設計出嚟。」
林愷鈴謙虛表示，因為自己能與好演員對戲，才令角色更立體。
林愷鈴謙虛表示，因為自己能與好演員對戲，才令角色更立體。
至於另一主演魏浚笙（Jeffrey），就預告今次飾演的金賢斌會有比較多情感流露的戲份，他解釋：「賢斌嘅媽媽好早就走咗，佢一直怪責自己，覺得以前做得唔夠好，唔夠關心媽媽，於是之後就去幫助其他女士，做一個傾談嘅角色，希望佢地唔好諗埋一邊，後來亦喺過程中鍾意咗Ashley，即係蔭蔭。無論係失去親人、思念親人，或者對Ashley嘅掛念，呢啲情感都會喺劇中呈現出嚟，所以今次呢個角色，對我Jeffrey嚟講，都係一個好好嘅體驗。」
魏浚笙預告今次飾演的金賢斌會有較多情感流露的戲份。
談起與家人的關係，Jeffrey表示大家感情十分好，他說：「我地咩嘢都會傾，咩嘢都會講笑，一家人最緊要唔好收收埋埋，凡事都要溝通。好多嘢本身溝通就可以解決到，但如果問題一直唔知或者積積埋埋，就會化成好大件事。」
魏浚笙在劇中喜歡林愷鈴。
魏浚笙在劇中喜歡林愷鈴。
