范卓賢舉行音樂分享會現場反應熱烈 Jacky Fan有進步與獎項走得越近

歌手范卓賢（Jacky Fan）近日推出全新派台歌曲《惡性循環》，於10月18日在又一城舉行音樂分享會，歌迷以及大批圍觀者一早等候Jacky現身獻唱，他唱出多曲自己的作品，包括：《淚光萬歲》、《正當世界告別時》、《末世花火散落後》、《明日劇痛會暫停》、《三尖八角》和最新的派台歌曲《惡性循環》，同時獻唱偶像歌曲《百年樹木》及《戀愛腦之死》。現場觀眾反應熱烈，不時歡呼。獻唱新歌《惡性循環》，有歌迷一早準備鐵鏈形狀飾物，配合Jacky的歌曲主題，Jacky見到也大為讚賞。寵粉的他，活動結束後也不願離開，主動提出跟大家自拍合照留念。

歌手范卓賢（Jacky Fan）近日推出全新派台歌曲《惡性循環》

與Fans大合照

范卓賢（Jacky Fan）

范卓賢（Jacky Fan）

在又一城舉行音樂分享會

在又一城舉行音樂分享會

派心心冧Fans

與Fans自拍

活動期間，Jacky跟現場觀眾有不少互動，在「快問快答」環節上，讓歌迷對他認識更多，無論是生活習慣或喜好，他的選擇也離不開唱歌和音樂，可見他對於自己唱歌事業的熱誠。Jacky坦言自己入行一段時間，但在中學時候已經不斷創作歌曲，他笑言：「我入行幾年，今年係Year 3嘅小新人，去年我係Year 2，當時做咗3首歌，推出以嚟未試過一次過唱晒，今日會唱畀大家聽，我自己都好興奮，事前仲特登練歌。」

Jacky越來越有進步與獎項走得越近，他憑歌曲《明日劇痛會暫停》入圍第48屆十大中文金曲「金曲獎」，以及憑《淚光萬歲》入圍CASH金帆音樂獎「最佳男歌手演繹」5強，他在台上分享感受，表示收到消息時感到很驚訝：「係好驚喜同意外，可能有啲朋友仔今年先識我，其實我喺呢行都努力咗一段時間，第一次聽到自己同獎項有關，我好驚喜同好榮幸，加上係同『最佳演繹』有關，覺得係對我一個肯定，無論有冇得到獎，入5強已經超越我預期嘅一個榮耀。」

《明日劇痛會暫停》是Jacky加入MakerVille前的作品，當時仍然要參加《全民造星VI》比賽，並沒有太多時間宣傳：「冇諗過港台畀機會角逐獎項，港台願意畀機會獨立創作歌手嘅作品係好難得嘅事，相信能畀其他獨立歌手或未被看見嘅歌手好大嘅強心針。至於Cash金帆獎，係自己夢寐以求嘅獎項之一，被提名已經係好大肯定，身為歌手係好想唱到歌畀人聽，而且能夠打動人，評審們聽咁多歌，而我可以打動佢哋入圍，覺得呢個作品被認可，受寵若驚，真係好難得嘅事。」

表演完結後，Jacky接受訪問時表示，首次在公開場合演繹新歌《惡性循環》既興奮又緊張，他希望之後可以去不同地方獻唱：「今日第一次唱，我勉強畀自己合格，但希望之後唱得更好畀大家聽，我想多啲機會唱畀大家聽，因為呢首歌張力好強，現場唱會畀喺CD聽更加有感染力。」同時，Jacky感激歌迷落力為他做應援，還見到有歌迷Cosplay，把鐵鏈纏身做裝飾，趁着萬聖節來臨，倍添氣氛之餘，還大膽地提議歌曲有其他用途：「我知呢首歌未必係大家日常會常Loop嘅歌曲，臨瞓聽就會變得醒神，所以我提議佢哋要精神嘅時候聽呢首歌，甚至可以做鬧鐘，趁歌詞噩夢未散嗰個位，嘈到拆天個位就嗌醒大家。我親自叫醒大家一定好幸福，而且一定會醒晒。」

Jacky自言入行尚淺，在多方面仍然在學習中，今年還會有新挑戰，第一個主持的節目將會在11月播出：「幾新鮮嘅，個節目係講食嘢，我同拍檔都係鍾意食嘢嘅人，而且同佢同年出道，大家惺惺相惜，可以好好傾，我同佢性格都好似，大家會有火花會好搞笑，所以好期待大家睇個節目。」

此外，日前Jacky跟黃淑蔓（Feanna）及偶像柳應廷（Jer）合唱《旋轉木馬》，見到偶像他特別緊張，同時意料不到跟對方一起拍第一條片竟然一起合唱這歌：「我要多謝Feanna邀請令我可以同埋阿Jer合唱，我係佢Fans大家都知，好開心呀﹗我私底下唔敢同佢講太多，真係好緊張。」最後他把握機會，大家一起乘搭電車回程差不多到終點時，才能大膽跟偶像多說兩句。

本地數碼音樂平台 MOOV 邁入 20 周年，宣佈自 2026 年 6 月起於 ELEMENTS 圓方舉行多場《MOOV 20 Music Station》現場音樂企劃，第三場邀請歌手 Jacky Fan 范卓賢擔任嘉賓，更會即場獻唱《明日劇痛會暫停》、《淚光萬歲》、《三尖⼋角》、《戀愛圓舞曲》，炒熱現場氣氛，為 MOOV 20 周年熱烈慶祝。

《MOOV 20 Music Station》現場音樂企劃，第三場邀請歌手 Jacky Fan 范卓賢擔任嘉賓

吸引數百樂迷圍觀

Jacky Fan自爆由細到大都好有表演慾

Jacky Fan把握機會向下集嘉賓TELLER提出「難題」

每次《MOOV 20 Music Station》吸引數百樂迷圍觀，期待歌手到場分享音樂世界。上集嘉賓193向Jacky Fan范卓賢提問「ERROR成員中，誰人最『三尖八角』」，所以節目開始時，Jacky Fan范卓賢需解答「師兄」難題：「我嗰陣時睇緊電腦，冇啦啦有人 Tag我先知有呢個難題！我諗咗一陣已經有答案啦，ERROR當中193最三尖八角，因為佢髮型都係尖同有角，係靚嘅三尖八角，所以唔擔心佢嬲！ 」

活動中，Jacky Fan范卓賢為樂迷獻唱《明日劇痛會暫停》、《淚光萬歲》、《三尖⼋角》、《戀愛圓舞曲》，瞬間令現場氣氛高漲！ Jacky Fan亦把握機會，向下集嘉賓TELLER提出「難題」：「我哋都成日出雙入對，我識佢咁耐發現佢口頭禪就係 "nice"， 其實佢除咗呢句Nice之外，仲有咩口頭禪？」呢日活動因颱風延遲舉行，Jacky亦擔心Fans安全：「今日我化完妝時 好大雨，好擔心fans會淋濕，因為我自己本身係『潺仔』，好易就傷風感冒，上次淋完雨之後就已經病，所以明白fans今日來支持都要面對重重難關。」

節目中，Jacky Fan范卓賢表示20年前只有六歲，已經聽廣東歌支持樂壇：「 第一個接觸嘅廣東歌歌手就係張敬軒， 當時父母比咗部 MP3 機比我聽歌，當年部機就好似一枝塗改液咁細！」Jacky Fan仲自爆由細到大都好有表演慾，父母沒強逼他在親戚朋友前唱歌，他都自動自覺唱歌表演。

大會宣佈歌手TELLER將於8月9日現身ELEMENTS 圓方《MOOV 20 Music Station》舞台，分享他的音樂故事。