2015年港姐相隔11年再Re-U！逾半已婚生仔

《2015香港小姐競選》轉眼已經過去11年！當年一班佳麗各自闖出新天地，私底下的姐妹情卻依然Keep住。日前，8位港姐相約聚會，冠軍麥明詩（Louisa）、亞軍龐卓欣（Ada）、「友誼小姐」林凱恩（Iris）等齊齊現身，合照中眾人頭貼頭、舉V字手勢，笑容燦爛，感情好到爆！

當年2015香港小姐的8強

相隔11年再聚首，眾人外貌依然亮麗，狀態更似乎比參選時更加成熟有韻味。龐卓欣更透露，8人之中只剩3人未有小朋友，忍不住感嘆時光飛逝，港姐聚會幾乎變成「人妻媽媽團」！

眾人都Keep得好好

龐卓欣更透露，8人之中只剩3人未有小朋友

各人近況同樣精彩。麥明詩畢業於英國劍橋大學法律系，近年轉戰商界，2024年與前機師盛勁為結婚，之後升呢做媽媽，家庭事業兩得意。

當年由麥明詩奪冠、亞軍則是由龐卓欣、季軍由郭嘉文奪得

龐卓欣卸任後選擇自由發展，轉型做全職YouTuber及音樂老師，今年9月與圈外男友拉埋天窗，不時分享幸福人妻生活。至於林凱恩則是當年佳麗中唯一繼續深耕演藝圈的一位，憑《愛．回家之開心速遞》「Bonnie」一角成功入屋，演藝事業發展穩定。

「十優港姐」麥明詩（Louisa）不時在社交平台家庭生活及工作點滴，本月初她就分享了一張與「香江第一美人」關之琳的合照，但卻被網民質疑合照「P圖只P自己」。對此，麥明詩貼出當日合照的元數據，力證自己沒有P圖，並大讚關之琳好靚不用P。

麥明詩

麥明詩月初分享了一張與關之琳的合照，但卻被質疑合照「P圖只P自己」。

麥明詩在IG貼出當日合照的元數據，並留言：「其實我自己都好鍾意睇threads，大家吹吓水、亂噏吓，一笑置之，睇開threads嘅讀者都有自己判斷能力，不過當啲傳統媒體走上去cap啲po當新聞咁報，個問題就出現啦，傳統嘅觀眾就基於媒體嘅可信性而接收件事，真係以為我P自己唔P人…我一定唔會呀！」

麥明詩又自嘲不是女神，只是小師奶，並希望關之琳不要因報道而誤會她，「佢（關之琳）好靚，都唔知可以P啲乜！我只係以小粉絲嘅身分同之琳姐打卡，我冇機會同佢解釋翻，希望之琳姐唔會誤會我啦。（呢排真係太忙所以之前唔得閒理會呢件事）」。

麥明詩IG Story截圖

麥明詩IG Story截圖