有網民早前在街頭目睹送貨員正準備派送的淘寶、拼多多貨件之中，竟然包括多桶12.8L的怡寶蒸餾水，因而猜測有市民特地從內地平台網購蒸餾水來港。該網民其後查證，確認這類蒸餾水送貨來港確實免運費，而一桶12.8L的蒸餾水售價僅人民幣14.6元，相信正是這個原因吸引部份市民落單購買。不過，發文者對這種做法感到相當不解，直言：「雖然話包郵啫，但唔使咁樣買呀？4支13kg嘅蒸餾水...真係好黐線！」
有網民早前在街頭目見到貨員正準備派送的淘寶、拼多多貨件之中，竟然包括多桶12.8L的怡寶蒸餾水。網上圖片
帖文一出，隨即引來大批香港網民關注，不少人紛紛留言戥送貨員可憐，直指「無眼睇，水都要淘」、「派件好辛苦，仲有啲咁既重貨」。亦有人反問：「唔使上網買，我嗰日樓下見到呢個咁大桶的，仲要係屈臣氏牌子先$18蚊港幣一桶，何苦咁辛苦呢」；有網民則心水清地回覆「買嗰個唔辛苦啊，辛苦送嗰個同運輸嗰個」。
點擊看圖輯
有網民早前在街頭目見到貨員正準備派送的淘寶、拼多多貨件之中，竟然包括多桶12.8L的怡寶蒸餾水。網上圖片
網購早已是現時的購物大趨勢。
另有網民將矛頭指向平台的包郵安排，認為這種做法令市民過分倚賴網購，並列舉「除左水，仲有好多餐廳買外賣餐盒、東北米、薯粉…有啲人買生果、貓砂、泥、油漆、羊糞」，同時質疑整體衛生情況，「包裝又邋遢，擺喺地又邋遢」。
拼多多
網購早已是現時的購物大趨勢。淘寶、拼多多等平台一直宣揚免運費，消費者只需付上相對便宜的物品價錢，即可透過免運費形式直接送貨上門，這種「快靚正」的模式，正好切合港人急速的生活節奏。也正因淘寶、拼多多成為港人網購的主要平台，社會上不時有人討論由內地購買相關貨物來港，究竟是否真的較便宜和安全。
示意圖。《愛回家》劇照
內地AI微短劇近年大行其道，在各大影視平台佔據一席位，觀眾群橫跨男女老少。一名居於歐洲的港人近日在社交平台發帖求助，指年過60歲的母親數月前在社交平台接觸到內地AI短劇後便一發不可收拾，每日花費最多15小時追看，情況儼如吸毒般「沉迷落去」。樓主雖多次解釋長期沉浸在AI劇集之中，有機會損害健康甚至影響思想，惟母親未有理會，遂向網民集思廣益，尋求令母親醒覺的方法。
AI生成圖片
該名港人在Threads帳號發文，形容母親「就好似吸毒咁沉迷咗落去」。據其所述，母親由每天起床第一件事，到晚上睡覺之前，都在看類似「窮小子逆襲一夜致富」劇情的微短劇，題材橫跨現代與古裝，每天至少花上13至15個小時。短劇幾乎佔據母親全部日常生活，「出街飲茶食飯、煮緊早餐煮緊晚餐、洗緊衫、屙X都要繼續睇」；戴耳機的情況更為嚴重，「就好似助聽器咁，永遠都除唔到落嚟」，甚至明知樓主正在說話，亦只是「岌頭就當回應咗」。
AI生成圖片
樓主又稱，曾屢次向母親表明AI微短劇如同「精神鴉片」，長期觀看或有損健康，繼而影響思想，但對方似乎未有理會。即使母親知道這類短劇劇情大同小異、「重複又重複」，所謂演員亦是常見的AI面孔，仍然「完全停唔到落嚟」，未能徹底戒掉。樓主續稱，「懷疑佢（母親）好喜歡嗰種好似掌握一切同預知所有事情嘅感覺」，於是詢問廣大網民「可唔可以集思廣益點樣令佢醒？」並感嘆「AI短劇係第一次令我親身感受到，要令一個幾千年嘅人類文明倒退係幾咁容易」。
AI生成圖片
帖文引來不少網民共鳴，紛紛指家中父母或長輩都出現類似情況：「我阿媽而家成日都睇埋嗰啲分家產劇，日日都哭哭鬧鬧真係會睇壞腦」「我發現阿媽、阿姨都係，出晒事。我自問細個都唔會廢寢忘餐，我媽可以唔食飯唔瞓覺」「我都想知，寧願佢哋由朝到晚玩麻雀game好過」「諗起細細個啲呀爸呀媽成日鬧唔好打機唔好上咁多網，而家變咗佢哋沉迷」。
AI生成圖片
有留言嘗試分析籲中原因，「之前上網睇，少少關身份焦慮事，現實嘅無力感同階層嘅不安感，所以好想睇到逆襲打臉呢啲劇情，即時爽一爽」，並認為樓主可從多方面幫母親「戒癮」，「如果媽媽係用屋企Wi-Fi睇，可以試下喺Wi-Fi到set限速，要佢睇10秒load 5秒咁，耐咗佢就放棄」、「定期用佢account，feedback俾FB同YouTube對啲AI片『不感興趣』，同時Block埋個啲AI劇page」。
另有留言認為樓主不應過分干預母親的娛樂自由，「初頭想勸，但仔細諗，佢沉迷呢啲都係想逃離現實，等於我得閒就會去打機一樣，咁我就唔介入別人嘅因果了」、「睇到白內障就會停一停，上代人未接觸或學過科技或AI，呢啲即時多巴胺好快上癮，幫得一時幫唔到一世」。
