「養兒防老」唔係金科玉律！網民熱議「冇人送終」有幾恐怖

相信不少人依然堅信「養兒防老」是金科玉律，不過近日有網民就在網上撰文，詢問大家「冇人送終」到底有幾恐怖，貼文曝光隨即掀起網上熱議。有不少網民認為，人死後已無知覺，根本毋須執著；亦有網民分享外公有4名子女，最後竟只有一人送終的心酸經歷。至於究竟應該如何避免兩代關係「貼錯門神」，網民就認為最現實一招便是「唔好多管閒事」。

示意圖片

事主日前在threads撰文，詢問：「冇人送終」到底有幾恐怖？事主指比起擔心晚年無人打理，最恐怖的其實是：「你為咗有人送終，用30年時間、幾百萬儲蓄、無數個失眠嘅夜晚，去養大一個可能根本唔想出世、大個咗又同你貼錯門神嘅人？」

示意圖片

《愛回家》劇照，示意圖片

不過不少人認為執著於「死後有沒有人送終」根本毫無意義，因為人在離世後完全沒有意識：「死咗之後乜都唔知，驚啲自己唔知嘅事你話幾咁戇X先得」、「有人送終又點？你會知咩？就算有仔女到時佢有冇送你都唔知㗎啦」、「有人送終係咪會翻生？」、「送呢個行為係生人做嘅，生人先知，死嗰個其實已經無意識去 care（在意），講冇人送終已經唔成立，再加埋又 AI（人工智能）又機械人。」

《愛回家》劇照，示意圖片

還有網民留言分享令人唏噓不已的個案，指單靠血緣並不保證晚年有依靠，若親子關係不好，生得多也無濟於事：「有冇諗過就算有仔女，都冇人送你終？我外公有4個仔女，最後得一個女送佢終。」、「都死咗啦，生時不孝，大把人喺父母死後扮孝子啦，又千字文又盛，生前眼尾都冇望過啦。」

有網民就認為，「兩代相處最現實的一招是唔好多管閒事」、「其實只要你唔好多管閒事，唔危害到屋企人利益就話之佢，咁反面機會大大減低。不過我知大部分人都做唔到。」不少 網民坦言，養育下一代其實就像一場無法預測的「買大細」豪賭，緣份難強求：「有啲人係攞債，但有啲人係生咗個財神出嚟。」

一名網民近日在社交平台發帖，大嘆出席朋友婚禮時給予1,500元「人情」，竟被對方嫌少，令其大受打擊，甚至猶豫應否與對方絕交。帖文一出，隨即引來大批網民批評樓主的朋友離譜，紛紛支持樓主與對方「unfriend」。

《愛回家》劇照，示意圖片

資料圖片

該網民在帖文中寫道：「啱啱去完個Frd（friend，朋友）婚禮，畀咗$1500人情，個Frd話少，係咪要un-frd（unfriend，絕交）」。短短一句，已道出滿腹委屈與無奈。

帖文曝光後，網民幾乎一面倒站在樓主一方，狠批其朋友不知好歹。有留言直斥：「佢根本無當你係朋友」；亦有人反問：「1500仲想點？擺得酒就預回唔到本㗎啦，成副身家畀埋你好嗎？」另有網民認為這筆錢正好看清對方為人：「$1500 暴露咗佢嘅人格，超值！unfriend 咗佢啦！你自己都唔開心」。

資料圖片

亦有網民分享自身標準，認為1,500元已屬合理水平：「我覺得1500 - 2000已經好OK，我自己攞千幾蚊都去食高級buffet仲可以食夠兩次」。更有人直指這種心態本末倒置：「你結婚請人嚟食飯，人哋要畀人情，跟住話人畀得少唔夠找數，咁其實你請人嚟食飯，定係你叫人嚟夾錢請返你食呢？真荒謬」，甚至有人戲言：「早啲出聲呀，原來係夾錢食飯，食咁貴，我唔去啦」，以及建議樓主「同佢講下次補返」。

資料圖片

至於1,500元人情究竟算多還是少？根據新婚生活易（ESDlife）於2025年9月至11月進行的最新結婚消費調查，「人情公價」大致可分為5個等級，分別為「高級酒店（1,500元）」、「一般酒店、私人會所、特色婚宴場地（1,000元）」、「酒樓、午間婚宴、西餐廳、酒會（800元）」、「只出席簽紙註冊（500元）」，以及「只派餅卡（300元）」。

資料圖片

換言之，按照這份調查，樓主所付的1,500元人情，已等同最高等級「高級酒店」的「人情公價」，以公價角度而言並不算少。