朱慧敏萬聖節大玩親子Cosplay 改編童話教仔女防陌生人餵食

娛圈事

朱慧敏萬聖節大玩親子Cosplay 改編童話教仔女防陌生人餵食

2026年11月01日 18:30 最後更新：19:00

45歲的前港姐朱慧敏（Queenie）於2021年與心臟科專科醫生陳良貴結婚，兩年後「造人」成功，同年11月1日迎來囡囡Shera（娃娃），並於去年成功湊成「好」字，囝囝Aten於2月平安出世！此後，朱慧敏就不時在社交平台分享一對仔女的成長點滴，適逢萬聖節，朱慧敏都和一對仔女大玩Cosplay！

朱慧敏在IG分享影片，可見三母子角色完美對應，朱慧敏扮成邪惡王后，囡囡扮白雪公主，囝囝則扮王子，整套造型一絲不苟，畫面溫馨又可愛！朱慧敏又透露1歲多的囝囝蟬聯第二年攞到最佳服飾獎項，收到玩具禮券獎品，相當叻仔！而囡囡則好奇自己所扮的角色，「娃娃問：『呢個公仔叫乜嘢名呀？』媽媽：『佢叫做白雪公主。』之後，娃娃就一直叫白雪公主做『白雪公仔」』」。

點擊看圖輯

朱慧敏與一對仔女

影片截圖

View this post on Instagram

A post shared by 朱慧敏 Queenie Chu (@queeniechu422)

朱慧敏就順勢將童話改編，借「白雪公仔」的故事教小朋友不要亂吃別人送的食物，「故事入面有個Dark Queen俾咗一個蘋果白雪公仔。白雪公仔食完之後就肚痛，跟住瞓咗喺地下。瞓咗一陣，佢個弟弟就嚟叫醒白雪公仔起身玩。因為瞓咗一陣，所以就冇再肚痛喇。佢哋仲玩得好開心。呢個故事就係話俾我哋聽，如果唔認識嘅人請我哋食嘢，就要問咗媽媽先，唔好食住。蘋果一定要洗乾淨，仲要批咗皮先食，因為依家啲蘋果，上面噴咗一層蠟，食咗對身體唔好，所以批咗皮先食。白雪公仔因為食咗冇洗乾淨，冇批皮嘅蘋果，所以就肚痛喇。不過，放心！佢而家好返晒喇。同弟弟玩得好開心」。不少網民大讚朱慧敏育兒方法夠聰明，寓教於樂，小朋友輕鬆就學會自保知識。