警方港島總區交通調查組主動介入調查網上流傳的一段影片後,成功鎖定涉案車輛,並在香港仔區拘捕一名38歲本地男司機,涉嫌「危險駕駛」,將會依法向涉案司機作出檢控。
網上圖片
事發於上周六(7日),網上瘋傳一段影片,可見一輛價值不菲的經典紅色法拉利F40跑車,於影灣園小路駛出淺水灣道時,疑未有留意路面情況,險與一輛正沿大路駛至的城巴攔腰相撞。幸好城巴車長及時煞停,才未釀成事故,惟強大的衝力導致巴士下層疑有未坐穩的乘客向前仆倒,事件引起熱議。
影片發布後引發網上熱議,不少網民留言怒轟法拉利司機危險駕駛,「要型要威就係呢啲onX,巴士上層頭個客就知殺(煞車)得有幾應(急)」、「讓線直出正X街,望都唔望線都未到就扭」、「有錢無腦就係呢啲!」、「佢根本就冇睇,好明顯佢嘅視線淨係集中咗喺班龍友嗰度,好彩巴士停得切咋」。亦有網民指出,若巴士上有乘客因急煞受傷,警方或會依法追究跑車司機責任。
網上圖片
此外,亦有不少網民對城巴車長的敏捷反應與駕駛技術大讚,直言:「Credit俾呢位城巴師傅」、「巴士司機好人,心哋唔好嗰啲分分鐘一嘢撞埋去等架F40冇得拍拍羅友(籮柚)走,反正都係公司車。」