繼童話故事第一章《踏空氣的人》後,Vincy蘇詠淳帶來第二章《沉進海的星》。新歌延續由Vincy親自創作的模式,今次與 Ivy Hung 共同作曲,並邀得周耀輝填詞,編曲由蘇道哲及Brian Yip負責,蘇道哲同時擔任監製。歌曲以「在大海裡尋找星星」的傳說為藍本,Vincy希望藉此提醒每一位樂迷:「每一個人都係一粒星星。」
Vincy蘇詠淳推出新歌《沉進海的星》。
向外尋找總會忘記內心 盼聽眾「用最喜歡嘅樣子發光」
談到歌曲想傳達的訊息,Vincy認為人往往忙於向外追尋,卻忘了回望內心:「好多時,我哋都會喺呢個世界周圍搵啲唔屬於自己嘅東西,好似搵星星一樣,但一直向外搵,就會唔記得望返自己嘅內心。」她相信每個人內在都有閃耀的部分,希望藉這首歌提醒大家把目光收回自身:「好希望透過呢一首歌同大家講,我哋每一個人都係一粒星星,只係可能你自己未發現。」
至於如何發光,Vincy認為沒有標準答案,更建議樂迷不妨一邊聽歌一邊望海:「發光可以有好多種方式,因為每個人發光嘅模樣都唔同。希望大家聽呢首歌嘅時候,都可以想像自己用最喜歡嘅樣子發光。」
Vincy蘇詠淳
與Ivy Hung一拍即合 碰撞出「一浪接一浪」的旋律
《沉進海的星》由Vincy與Ivy Hung共同作曲,Vincy透露二人寫著寫著才發現彼此都十分喜愛大海,默契亦由此而來:「我feel到佢彈琴嗰陣都好似有一片片海浪嘅感覺,然後我又會喺佢彈嘅melody上面on top哼一啲旋律,發現我哋對海嘅想像都好似,然後碰撞到一浪接一浪嘅melody。」她創作時腦海中的畫面,是一個人飄在海面上閃閃發光,這個畫面在亦成為整首歌的核心意象。
Vincy蘇詠淳
從「要光」到「有光」周耀輝歌詞寫盡自我探索
Vincy透露,最初只向周耀輝老師簡單說了故事設定:一個在海裡找不到星星而自我質疑的女孩,直到故事最後才發現自己可以變成一粒星星。收到歌詞後,Vincy坦言「睇到起雞皮」,她特別喜歡其中一句「要光會有光有光 原來是我」:「我覺得『要光』係一個願望,『會有光』係發現嘅過程,『有光』就係發現咗,短短一句包含咗自我探索嘅過程。」她更大讚:「成份詞寫得好浪漫,同時昇華咗我對呢首歌嘅想像。」
Vincy蘇詠淳
MV由天空走到大海 化身尋星女孩出海追夢
MV方面同樣緊扣童話設定,上一章《踏空氣的人》,Vincy 「吊威也」飛上天空,飾演擁有踏空氣能力的女子;今次則由天空轉到大海,化身一個在海中尋找星星的女孩,為了成為特別的人而努力造船出海尋星。Vincy表示角色與每個人的處境相似:「每個人都有想搵嘅嘢、想去嘅地方,但好多時搵極都搵唔到,望出去就係一片大海,唔知可以去邊。所以我呢個角色就係嘗試出海,去搵理想中嘅自己。」
Vincy蘇詠淳
Vincy蘇詠淳
場景由天空轉到大海,拍攝難度亦隨之升級,不熟水性的Vincy今次要親身落水,她笑言:「我係一個唔太識游水嘅人,淨係可以向前游,但我唔識浮,所以有少少緊張。」此外,MV中藏有一個特別的「符文」,帶領她穿越不同故事,叮囑樂迷留意它會在哪個部分出現。
Vincy蘇詠淳
Vincy蘇詠淳
Vincy蘇詠淳
Vincy蘇詠淳新歌《沉進海的星》已於各大音樂串流平台上架,MV亦已上傳至YouTube Channel,樂迷除了細味這份旋律及浪漫歌詞,更不要錯過MV中Vincy落水尋星的畫面。這段由海浪孕育的旋律,亦將推出日文版本,讓更多海外樂迷走進這個尋星童話,請多多支持並留意日文版推出。
觀看相關影片按連結:https://youtu.be/QOv1Rnu8RcM