與許廷鏗、關智斌、陳健安、COLLAR及柳應廷等多個不同音樂單位合作、男團MATCH成員何家銘(Tomy),經歷過夾Band、參加真人選秀騷、回到幕後擔任監製、編曲、作曲,到現時單飛發展音樂事業。在音樂路上跌跌碰碰的了13年的他,日前(11月13日)終於首次以個人身份假西九文化區自由空間大盒舉行,由Spaceship Music Ltd.主辦「《LIFE IS CHAOS》專輯發佈音樂會」,亦是他以獨立歌手身份出道的第六年。
男團MATCH成員何家銘日前終於首次以個人身份假西九文化區自由空間大盒舉行專輯發佈音樂會。
拜神儀式
何家銘
整個音樂會除了是專輯發佈會,亦是Tomy對生命體驗的分享,與樂迷一起由迷失走到拾點自我的旅程。甫開場,先以節奏感十足的《生存模式研究所》、《TO GO》及《聽日先吖》炒熱氣氛,台下的樂迷隨着音樂搖動,記錄他過去6年的歌《我為誰快樂》、《自救》、《旋轉髮廊》及《失物歌》等,氣氛既熾熱又感動連場。
何家銘
何家銘
最令樂迷驚喜的,是男團MATCH在台上重聚,五人逐一上台齊齊獻唱《老中青》、《尾班機》及《就此封存我們》,眾人感動互抱,Tomy說:「我哋喺第二個場唱歌啦!」騷後,他解釋指《老中青》是MATCH的約定:「呢首係MATCH第一首誕生嘅歌,今晚次特登揀呢首,係因為嗰時已經講好,如果去其他場館,我哋第一首都要唱返佢,雖然而家各有發展,亦唔會可以成日聚埋,但係一唱就所有熟悉嘅感覺都返晒嚟。」他特別多謝MATCH各成員的到來,又爆雷振耀(AB Aaron Bosco)在台下爆喊:「喺台上大家冇咩喊,但係原來到我唱最後一首歌《混亂人生》嗰陣,AB係喊到豬頭咁,証明大家嘅感情、默契、熟悉感大家都喺度,呢個令我最感動。」
男團MATCH在台上重聚
男團MATCH在台上重聚
會上,Tomy又特別選唱一段陳奕迅(Eason)的快歌Medley,他說:「由細到大,Eason都係我嘅偶像,如果我只係要追一個星都係非陳奕迅莫屬,佢喺創作上、音樂上都係影響我最深嘅一個人。平時大家聽好多佢嘅慢歌,今次我特登揀佢嘅快歌《破壞王》、《暴殄天物》、《活躍症》同《大人》,因為喺訊息上,佢叫大家可以開心啲、破格啲,做人唔使咁拘謹,呢個都係我聽Eason時最大嘅感覺,希望可以畀大家嘅驚喜!」他亦表示希望將來有機會與偶像合作。
何家銘
何家銘
另一位Tomy最要感謝的是陳健安,早前與對方一同參與拍攝工作時,已經常向對方偷師取經:「始終都係自己第一次單飛開騷,好擔心體能同心理上應唔應付到,佢叫我自己喺屋企毫無保留咁唱一次,唱到即係聲音同體力都可以嘅,其他就係心態問題。佢仲記得晒我同佢參與過嘅所有作品同演出,一個可以數得晒所有合作單位嘅歌手,真係好值得人尊重。」
何家銘
事前,Tomy最擔心入場人數,他坦言沒想過這麼多樂迷來支持自己:「出場嗰吓令我好開心、好驚喜,之前真係好擔心反應,加上自己第一次Solo做,每日起身嘅感覺都係要解決問題,但係去到呢刻完咗。我覺得同專輯嘅名《Life is Chaos》一樣,生命係好多嘢都好混亂,但係命運好多嘢都係咁,解決嘅過程自己都會叻咗,呢個就係我做完呢個騷,亦係最想帶畀樂迷最大嘅感覺。」他又表示完成這次演出,往後會繼續努力造更多音樂作品與大家分享。
全場大合照
何家銘首張個人專輯《LIFE IS CHAOS》現已上架,敬請留意。