政府禁毒處全新兒童禁毒動畫《禁毒先鋒號》第一集《唔好掂 唔好試》已經正式上線,透過動畫情節提醒小朋友遠離毒品,並教導他們一旦遇到懷疑毒品時應如何應對。
全新兒童禁毒動畫《禁毒先鋒號》。FB影片截圖
保安局在社交平台分享動畫,第一集內容講述禁毒大使冬冬和希希在「禁毒先鋒號」列車控制室收到緊急舉報,有壞人想向小朋友落手。在公園內,晉晉和瑤瑤發現來歷不明的針筒同藥丸,以為是玩具,差點拿來玩,情況相當危險。
全新兒童禁毒動畫《禁毒先鋒號》。FB影片截圖
全新兒童禁毒動畫《禁毒先鋒號》。FB影片截圖
幸好冬冬同希希及時趕到,使出必殺技「保護光波」化解危機,並趁機提醒各位小朋友毒品禍害:「吸食毒品不單會令你甩牙、甩頭髮,塊面生瘡,更會令人控制不到自己身體,完全身不由己。」
全新兒童禁毒動畫《禁毒先鋒號》。FB影片截圖
至於見到懷疑毒品時應怎麼辦,動畫亦向家長同小朋友強調一句重要口號:「唔好掂!唔好試!話畀大人知!」
大家可點擊連結收看《禁毒先鋒號》第一集《唔好掂 唔好試》:https://youtu.be/aQUQRFBubsk ,亦可分享給身邊親朋好友,一齊加入「唔take嘢聯盟」。