無綫《萬千星輝賀台慶》在電視城圓滿結束,全晚焦點之一的「台慶大抽獎」爆出意外插曲。大會於抽獎環節首先抽出藝人黃劍文為幸運兒,惟他當時不在現場,未能即時登台領獎。大會其後再抽出一名得獎者,黃劍文依然未有現身,最終按一般抽獎慣例宣佈該次結果作廢,並即場進行重抽,將得獎機會改發給其他在場藝員,黃劍文因而與10萬元大獎擦身而過。
藝人黃劍文
黃劍文在受訪時親自還原事發經過,透露當日全日未有進食,全因飢腸轆轆才暫時離場前往便利店買雞髀充飢,完全料不到會因此錯過領獎良機。他解釋:「其實抽獎前我去咗影一啲公司嘅相啦,跟住就去影一個『最佳甫士』嘅相。影完之後因為好肚餓啦,全日都冇食過嘢,咁我就去咗便利店買隻雞髀食。」
藝人黃劍文
他笑言自己剛吃完雞髀查看手機,才赫然發現自己「出事」。當時《中年好聲音》群組不斷彈出訊息,更有人直接致電通報他中獎,急召他「快啲返嚟你中獎呀!」他得悉後火速狂奔回台前,可惜為時已晚:「我啱啱食完嘅,一睇電話就知道有Message同埋有人打畀我……跟住我就即刻狂奔返嚟,點知跑到去台前嘅時候,前輩(曹永廉)已經上咗台攞獎喇,勸籲大家係抽獎的時刻,走去食雞髀!一生難忘嘅雞髀 」
藝人黃劍文
黃劍文笑言,「個個都話我好唔抵囉!不過我都好感動,因為好多人都好關心我,替我唔抵。10萬蚊一隻雞髀,咁咪唱多幾場Show賺返囉!」他亦坦承是自己離席在先,依規矩處理相當合理。黃劍文又寄望明年可再接再厲,「留返下年啦希望!」他更打趣指這次學懂教訓,往後絕不會在緊要關頭擅自離場:「下次就唔做其他嘢啦,唔食雞髀啦,食雞髀就早啲食完就坐定定啦咁囉!」
黃劍文又笑言今次事件可以載入TVB歷史,他已經即刻多了個外號,叫「雞髀文」,「我好希望有商戶搵我拍雞髀廣告。」