簡淑兒恨拍拖 揀男友要成熟脾氣好

3月14日是白色情人節，新一代「宅男女神」簡淑兒（Jessica）親自下廚炮製酒心朱古力，以甜蜜方式冧暈一眾宅男粉絲。單身的Jessica講到擇偶條件，指另一半不一定要懂得煮嘢食，但唔可以脾氣大，心智上亦要比她成熟。

 

簡淑兒親自炮製心型酒心朱古力，坦言比想像中容易。（本網記者攝）

 

白色情人節快到，Jessica親自教《巴士的報》讀者炮製心型的酒心朱古力，為情侶們送上甜蜜祝福。Jessica平時都有製作曲奇，但做酒心朱古力卻是首次：「我覺得呢啲係心意，如果個女仔肯用時間將朱古力溶咗再雪返，我覺得好sweet。」她透露自己很喜歡煮食，中西式都識煮，包括卡邦尼意粉及炒米粉，因為較為方便，但弱點就是不懂煲湯。

 

簡淑兒透露家中有六姊弟妹，小時候是負責煮食的一個。（本網記者攝）

 

Jessica指讀大學時曾為男友親自下廚，炮製三餸一飯：「嗰時住宿舍，一係我煮完拎去佢房俾佢，一係去佢屋企。我覺得有時兩個人出去食真係唔知食啲乜嘢，食剩份量又未去到可以打包留第二日當一餐。自己响屋企食可以因份量，同埋我唔鍾意食一啲太鹹嘅嘢，自己喺屋企煮可以因返嗰味。自己唔鍾意食魚，但男朋友鍾意食，就會特登蒸俾佢食。（對你廚藝有乜評價？）我諗佢唔敢話唔好食。」

 

簡淑兒謂一嗌交便不出聲，寧願過咗淡氣後，雙方平心靜氣傾談。⁠⁠⁠⁠（本網記者攝）

 

仍單身的Jessica坦言渴望拍拖，但因經常工作未有機會：「我覺得而家同我拍拖嘅男仔會好慘，我又有節目，星期六日放假但我要開工，要一個好體諒我嘅另一半，所以我唔會話好想搵到一個，因為就算刻意搵到都未必啱，如果係咁我寧願唔拍住。」談到擇偶條件，她坦言喜愛比較喜歡成熟男，最不喜歡嗌交：「我唔係好鍾意男仔脾氣大，我比較鍾意溫和少少，同感覺上隨和啲，唔好感覺太過嚴肅，因為兩個人相處時好重要。」Jessica希望另一半不要比她小超過六年，最重要是心智上比她成熟。

 

簡淑兒教你整酒心朱古力：

 

揀選朱古力

隔水坐溶朱古力

朱古力溶液適量倒入已掃油的模型中，放入雪櫃冷藏15-20分鐘

用小火煮熱淡忌廉，加入已溶朱古力，加入Rum酒

將適量酒心倒入已定型的朱古力外殼

加上一層朱古力溶液封頂

放入雪櫃冷藏10分鐘即成

場地提供：Rent A Kitchen

「富三代」鍾培生近日向莊雅婷求婚成為熱話，其過往情史亦被翻炒，曾與他拍攝媾女節目《Date With 鍾培生》的前港姐簡淑兒亦無辜牽涉其中。已為人妻的簡淑兒日前罕有發聲明，強硬與鍾培生劃清界線。

「富三代」鍾培生求婚成功後舊情史被翻炒。

曾與他拍節目的前港姐簡淑兒亦被牽連。

簡淑兒於社交平台限時動態以黑底白字發文，表明這輩子只與一個「Derek」約會過，那就是她的機師老公麥大力（Derek）。她怒斥：「請不要再這麼荒謬，有點常識吧。」疑似不滿被硬扯關係，亦怕老公誤會。

已為人妻的簡淑兒罕有發聲明劃清界線，強調這輩子只與老公麥大力（Derek）約會過。

現年36歲的簡淑兒出身富裕，父母為珠寶商人，被封「宅男女神」。她去年4月與麥大力在意大利古堡舉行婚禮，5月於金鐘設婚宴，榮升人妻後仍不時大騷fit爆身材，深受網民喜愛。

簡淑兒與鍾培生劃清界線。