天文台長嚴正澄清:無"李氏力場"

一到打風落雨，天文台作出「使唔使番工」的決定，經常會受到市民質疑，話受到「李氏力場」影響。天文台台長岑智明昨出席一個青年活動時就拍晒心口話，天文台絕不存在任何「政治任務」，話所有決定都是源於科學數據。

岑智明的話題由鼓勵年輕人開始，佢話如果想加入天文台做科學主任，只要修讀物理及數學就得，仲笑笑口話絕對不用讀政治，因為天文台台長無「政治任務」；而到天文台面試時亦要知道牛頓第二定律是甚麼，而不是「李氏力場」是甚麼。他更好搞鬼咁即場向出席的學生做民調，結果有一至兩成學生舉手表示相信「李氏力場」，他立即鄭重聲明，「梗係無啦！只喺有人作出嚟搞笑咋！」

岑台長演說工夫都幾得，可以將一個咁嚴肅的澄清，講得咁鬼生動，可見而家做官唔易，不單要專業得，仲要把口講得兩咀呀！

Ariel

** 博客文章文責自負,不代表本公司立場 **

《香港晨報》籌備以來，喺新聞界引起很大關注，聽聞都搞得如火如荼，大約已請咗200人返工。

 

但最近有一些已經同《晨報》簽咗約、未正式返工的新人，今日(周六)突然收到相關人士通知，話由於高層人事變動，暫時唔使返工喇，叫佢哋如果可以就不要離開舊公司住，令部份轉職人士感到意外。此舉令那些在舊公司遞咗信辭職但未番新工的從業員，無所適從。

 

《晨報》籌備以來，在新聞界引起注意，唔少人同Ariel一樣，都希望佢哋快啲出，報業艱難，一份新報紙搞得成起碼從業員都多條出路呀，而家睇嚟又有啲變數。