C AllStar為爭紅館獨唱「鬧不和」

娛圈事

C AllStar為爭紅館獨唱「鬧不和」

2017年04月14日 19:32 最後更新：19:32

C AllStar紅館個唱將十月舉行，完騷後會暫別樂壇，各人將會獨立發展。今日舉行發佈會時，四子在台上首次獻唱全新單曲，將以一個月時間宣傳爭取樂迷支持投票，最高得票者將贏得紅館個唱中唯一獨唱機會。為了拉票，C AllStar四子於台上有不少火藥味。

接受訪問時，談到一同競爭Solo機會可會引起不和，On仔笑說：「梗係不和啦！」Jase笑指為了競爭Solo，他們將會決裂一個月，但能否重修舊好是未知之數。On仔指：「我哋唔會讓賽，如果讓賽就對對手、公司、歌迷都唔尊重唔公平。」此外，四子的新單曲，都會在不同的音樂平台作宣傳，歌曲的MV及宣傳策略都由他們自己話事。

點擊看圖輯

C AllStar與歌迷合照（C AllStar FB圖片）

C AllStar將會暫別樂壇，歌迷都表示不捨（C AllStar FB圖片）

更多相片

C AllStar與歌迷合照（C AllStar FB圖片）

C AllStar將會暫別樂壇，歌迷都表示不捨（C AllStar FB圖片）

往下看更多文章

帶阿姐看世界｜羅家英分享「床頭打交床尾和」真諦與汪明荃相擁共舞為不丹之旅劃上圓滿句號

圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，昨晚（12月13日）播出不丹篇最後一集。最後一站不丹搵得老公羅家英做旅伴，尾聲的訴心聲內容自然更到肉更溫馨！

先接上回宣傳提及阿姐直問家英哥：「你話你同我講嘢對牛彈琴，我唔夠關心你定咩？」雖然家英哥再三迴避，但因經不起阿姐「哀求」：「我想改善吖嘛」、「我聽咗好唔安樂」，終把心一橫和盤托出：「幾十年入面哩，你係唔聽我講嘢架！」阿姐聽完搞笑扁嘴，之後二人對話如下。

阿姐：咁習慣咗吖嘛。

家英哥：所以咪對牛彈琴咯。

阿姐：你冇耐性呀。

家英哥：我有耐性架，冇耐性唔會對得你咁耐啦！

阿姐：我覺得你冇耐性呀。

家英哥：呢個又唔可以咁講嘅，其實我真係好有耐性、好有忍耐力，胸懷好大姐阿姐：你話架，返去睇吓你係咪喇！

眼見阿姐一再扁嘴又有啲委屈，家英哥即鬆口謂：「陰公！飲啖先，我講錯嘢。」然後更大談夫妻為何應該「床頭打交床尾和」：「對得多一定有嗌譖，嗌嚟做咩啫，聽日又對番架喇」、「習慣咗之後，大家明白互相嘅包涵咯。」值得留意的是，被話的阿姐雖然有啲頭耷耷，但全程表現心平氣和，且難得流露「聽教聽話小女孩」一面，足證家英哥在其心目中地位。

阿姐自爆氹家英哥開心事件簿

未知是否想上訴，阿姐主動提及當年家英哥染疫時、如何出盡法寶氹他開心，包括預備「一人邊爐」及「隔住玻璃陪練歌」：「你冇心機呀！然後你練歌哩，我就喺玻璃另一邊，係氹你開心架」，之後又像小女孩般問家英哥：「咁我為你做呢啲嘢你開唔開心呀？」當聽到家英哥表示開心後，阿姐即露出滿足甜笑，畫面相當甜蜜溫馨。

之後，二人又分享覺得阿姐拍攝這個節目後的改變—「大膽咗」、「好相與咗」、「願意嘗試新事物」、「個人開朗咗」及「幽默咗」，家英哥亦認同阿姐本身很有幽默感：「我發覺你其實好幽默，你窒我哩，你好開心架！」想不到最後依然是乘機耍花槍的招數。

最後，家英哥向阿姐送上「個人專屬郵票」及婚照相架，搞笑的是，二人為了婚照的光暗問題又鬥了一輪嘴，先是阿姐「搞事」：「啲光喺晒你度喎，唉！蝕咗底添」，家英哥則借題發揮：「我特登遮住你，等你唔晒掁住」，阿姐亦不甘示弱：「我就你咋，等你威啲。」很快家英哥便宣布投降：「你係權威，你所講嘅嘢，都係有道理嘅。」完全寵妻完美示範。