Mabel是我做訪問時認識的，當年她是電話中心的客戶服務員，在訪問後我問她，既然如此討厭聽投訴電話，有沒有想過轉行，她一股勁的點頭，然後微笑著說想做空姐。與她接觸了一整個小時，對她的談吐我有信心，見她的外型高窕、樣子可人，於是我說：你這個夢想不難實現呀，快去投考吧，還等甚麼！怎知我不說尤是可，一說她竟咀扁扁，現出想哭的模樣！然後她深呼吸了一下，揚起頭說，你不用鼓勵我了，其實我已經考了三次，但都是在面試後就沒有下文，我真的沒有信心再去考了！
我是真心認為她做空姐的機會很大的！於是在好奇心驅使下，我仔細的向她詢問面試的過程！其實幾次面試的內容都大同小異，畢竟三次面試的考官不盡相同，問差不多的題目是很普遍的，而且又不是日理萬機、運籌帷握的工種，所以都不外乎問你有甚麼興趣、為甚麼要轉工、之前有甚麼經驗等。如果你其中一項比較特別，那考官會跟進的問，否則也只能拖時間，而如果時間還未夠就會問你關於公司的題目。
Mabel的問題就出在這裡，她確實對答如流，聲音溫碗，相貌可人，但她的人生除了扮靚，原來亦只有扮靚，所以在初段對答時，已經有小小悶親考官，但我相信考官也被她的耐性及外型所吸引，乃問些與公司有關的問題，但她卻啞口無言！咁，又點幫得落呢！
於是我跟Mabel說，你試幻想自己就是那班考官中的一個，一日見足幾十個佢咁上下樣的應徵者，其實已經好悶，你重問一句答一句，咁尐考官就真係悶到發感冒，冇人要你好似周星馳咁娛樂性，但都至少唔好加深佢地病情！其實面試的大部份提問都可以預測的，而答案只要略為設計一下，與其他人略有分別，已經足以提起考官的興趣，咁基本上已經冇乜時間答有關公司的問題，但係既然你講到自己咁想加入間公司，咁對佢認識下都好平常吖，咁都答唔出又真係令人對你果份所謂誠意有保留囉！
Mabel聽完之後不住點頭，說：我真係冇諗過去睇佢公司個網頁喎！唉，而家有互聯網咁方便都唔用，以前我地去見工，想搵資料，要去圖書館借年報睇呀，重冇得借走要坐足一日抄資料呀陰公！
之後我冇見過Mabel喇，但係有一日在電台收到她從泰國寄出的postcard，向我說了一聲多謝，相信她已在理想的工作中翱翔了。
何嘉麗
** 博客文章文責自負,不代表本公司立場 **
見Lilian開口BB埋口BB，以為 BB好裙腳，但望落又唔似，而且重算係斯文有禮大方得體果種，以剛畢業做一個普通officer嚟計，唔應該咁難搵工喎！不過坐低傾左兩句，我有少少估到佢點解搵唔到工。
佢走左之後，我同Lilian講：「你個仔有啲燥喎！」「嗄？」Lilian唔明。我話唔好意思我都要講，你個仔有口氣！佢答：「咩？我唔覺喎！」
對阿媽嚟講，所有阿仔都是香的！不過現實中，一個人係香係臭，係有公論的！如果你去見工，時間上又被安排在下午的話，唔該你在午飯時別吃大蔥大蒜之類的重口味食物，不然在見工時一個飽嗝，臭人唔死也一定會扣分的。對，這與工作能力無關，但見你的都也是人，被氣味影響判斷是一定的，冇人要求你呵氣如蘭，但都唔好排出毒氣呀！俾著係你，有兩個水平相近的人，一個有口臭，一個冇，你請邊個呢！
