政事
香港回歸20周年快到，國家主席習近平將會訪港，今天就傳出消息， 說習主席訪港期間，將會與泛民主派人士會面，但政壇人話，無聽過有此安排，相信不會發生。
坊間傳出習主席見泛民的版本有多個，包括見9人、13人或16人，並說這是中央最高領導人破天荒首次近距離接觸泛民。
去年全國人大委員長張德江訪港，曾以酒會形式，會見行政會議成員及社會人士，包括民主黨主席劉慧卿、公民黨黨魁梁家傑、工黨立法會議員何秀蘭與衛生服務界議員李國麟，傾了40分鐘，被形容為「破冰會面」，但沒有太多具體結果。
高人話，習近平主席見泛民的消息，不知何來，也不似會實現。
Ariel
** 博客文章文責自負,不代表本公司立場 **
隨着林鄭宣佈司局長新班子，常任秘書長亦大執位，部份資深政務官升級出任常秘。現任地政總署署長甯漢豪將任發展局常任秘書長（規劃及地政），現任特首辦秘書長劉焱將升任財經事務及庫務局常任秘書長（庫務），海關關長鄧忍光就升任政制及內地事務局常秘，運輸署署長楊何蓓茵亦升級出任教育局常秘；4人皆由原來首長級薪級表D6級升至署理最高級的D8級別。
提起常秘升職兼執位，高人話政制及內地事務局候任局長聶德權識揀人，佢搵的常秘和副局長都比較有料到。官場傳言新政府本來想搵鄧忍光升做保安局常秘，因為佢讀過法律，而呢屆政府任內可能就23條立法，但後來鄧忍光變咗做政制局常秘，唔知係唔係局長聶德權搶人成功。
至於政制局的副局長人選更出人意表，係現在運房局的副秘書長陳帥夫，佢而家係AO，離隊轉做副局，走上從政生涯，都可以話係大轉變。官場中人話陳帥夫好叻仔，而家由D2轉去做D4職級的副局長，唔係睇人工，而係決心從政。
聶德權集齊猛人入去政制局，觀察家靠估話，難道林鄭想再搞政改?
