八九十年代，大公司無論係外國人或者中國人做老闆的，都喜歡把公司內有潛質或被推薦的員工，送去...不是外國，而是本地上短期課程，這些課程可以是三兩天，可以是一個星期，而這些課程的內容又多與創意有關。唉，如果創意可以在這短短時間內掌握得到，就不是創意了！但那個夠膽開班，用幾天教人創意的就真的很有創意！抵佢撈到盆滿缽滿！
但對於這一大班本來不知有創意定係冇創意的人來說，在課堂上睡了好幾天大覺、吃了好幾餐不錯的免費午餐、花了公司一大筆，回來後當交戲也要變得創意十足，並從時不時提醒同事要think out of the box!
這句英文極顯淺，意謂走出框框。
KT就係呢類人版！KT是採購部的小頭目，他一向都很主動走出框框，特別在老闆有會開時，他會落銀行提款，約保險經記傾保單，甚至走去換車牌，又或更甚者可以三樣一齊做，沒有人吩咐，也不需要追迫，真神！但係當老闆俾多個job佢果team處理時，又會忽然間冇左呢種神力，回復凡人甚至是庸材的身份，「呀，未做起、冇人手，俾多幾日得嘛！」絕不要臉！
好了，現在要他公開地走出框框，當然會適當地表露這方面的才華，但亦與性感女星一樣，不能盡露，因為做得老闆的都會有一個共同的才能，就是懷疑！其實KT在老闆開口叫佢去上堂那一刻開始，已知道這會是一個加重自己工作擔子的陷阱，他要做到既提出一些點子之餘，又不能把點子變成自己的負累。
於是他think 下think下，就think左去第二個部門，而他一般接觸得最多的就是人事部，於是他把在日常工作所遇過被對方留難的，拿出來討論並修理一番。所有部門同人事部扎馬扎得最行應該係head count，但係呢樣冇得郁，亦千祈唔好提，容乜易一提，老闆就手起刀落。而且而家係推庄唔係搏命，禍不及妻兒，唔好搞到人冇份工之同時，自己都衰埋！於是就要搵尐輕巧野例如寫job spec出泥講喇！
佢話Job spec應該由人事部寫！KT有堂而皇之的理由，因為人事部是這方面的專業，又知相關法例，更熟悉公司要求，佢絕不偷懶，做埋張spreadsheet，比較左由人事部寫同由採購部寫，在資源上的減省，結論係應該由人事部寫！但人事部採你都傻，佢會覺得我點知你要邊科出身，我點知你要佢做乜，而且你等人用又唔係我，冇人做野你咪自己做埋佢，關我乜事！
其實任何一個曾經在大機構工作的人，都應該不會喜歡人事部，甚至連在人事部工作的，也不喜歡人事部，但憎還憎，也要說句公道話，我認為job spec是應該人事部與相關部門一齊草擬至係正路，不然請錯了人或沒有合適的人來見工，也是浪費青春。
但係我始終唔係佢地老闆，KT建議一出，再經一輪批鬥之後，大家覺得現行方式行之有效，但KT的建議很有創意！散會！於是一切又回復正常，大家又等下一次公司又洗一大筆，推薦去上堂之後，至決定做尐乜出泥交戲！
完來這才是創意，creative spending!大機構尐錢，唔係咁，點用得哂！
Lord has given me a disciple's tongue, for me to know how to give a word of comfort to the weary. (Isaiah 50:4)
何嘉麗
** 博客文章文責自負,不代表本公司立場 **
