立法會追186萬 游BB還死撐要攞法律理據

梁頌恆游蕙禎被DQ立法會議員資格事件，終審法院唔再俾上訴，有關法庭程序走到盡頭，可謂已到曲終人散階段，立法會秘書處亦採取行動，發信限令兩人在9月12日前各自退還約93萬元的議員薪金及預支咗啲營運開支，即合共要歸還約186萬元。

對於被追還錢，游BB就話，有關要求只是立法會行管會的行政決定，秘書處信函亦看不到有法律理據向他們採取行動，質疑這是基於哪條法律條文追討，她會要求秘書處列舉相關法律根據。

高人就話，幸好立法會內有法律顧問，不用出街搵律師答佢，否則連請律師發律師信回覆的錢都要蝕埋，因為梁游兩人已擺明車馬炮就係無錢俾，兩人打官司個面還有一條1200萬的數要找，睇來都無錢填氹。

被記者追問有無錢俾立法會呢條數的游BB，都答得好直接：「打官司時已無力償還，宜家加多90幾萬，我唔會突然有錢畀佢。」

梁游呢186萬睇來都係凍過水，難逃爛賬命運，無論立法會點答佢，佢地都係無錢還，最後又要納稅人埋單，所以最緊要都係唔好再要花更多寃枉錢搵外間律師答佢就好，真係講得多蝕得愈多。

Ariel

** 博客文章文責自負,不代表本公司立場 **

剛離開官場兩個月的政制事務局前局長譚志源，據聞靜極思動，有意參加下屆人大代表選舉。

據《星島日報》透露，港區人大代表將於今年底改選，現屆36名港區人大代表中，預料將有10人因年齡等問題不再尋求連任，除了一班年輕的商界二代、青年團體代表及法律界人士有意參選外，譚志源亦正積極考慮參選。

港區人大過往一直不乏前高官，中央亦有意透過他們借鑑香港的治理經驗，在現屆港區人大之中就有前保安局長李少光、前廉政專員羅范椒芬等。李少光已屆69歲，參選意願未必高，羅范椒芬早前則已表示自己身兼多項公職，不會競選連任人大，因此譚志源若參選，就可以填補此空檔作晉身之階。

不過譚志源參選並非沒有隱憂，因他離開政府時表明與現任特首林鄭步伐不一，未必得到大多數建制派支持。

不過，前高官參選港區人大，一向都因形象及聲望較佳而能佔優，相信未來3個月，譚志源會四出搲票。