港航新貴賓室 又好玩又有競爭力

早排Sebastian搭飛機返大陸，見識過港航的貴賓室，當時已聽聞它的新貴賓室在9月開幕，早已有所期待，點知一踏入9月就碰到這個新貴賓室的開幕，就借機跟大隊走去睇睇。

之前港航的貴賓室已經唔錯，有個懷舊的磅重機最吸睛，新貴賓室則主打寬敞舒適，同樣咁好玩。這個叫「遨堂」的港航新貴賓室，佔地14,000呎，是5,000呎舊貴賓室的兩倍有多，不單可容納更多旅客，更分出多個唔同的主題區域，如休閒區、家庭樂區，貫徹港航打造貼身服務的宗旨。

港航新貴賓室寬敞舒適

整間貴賓室耗資3,500萬港元，以本地情懷及綠色環保作設計主題，種植大量室內植物，並與港航的「此刻，就是香港」呼應。

最特色的是長達20米的食物枱，是香港機場最長的食物枱，除了香港特色食品外，還有很多素食如木耳等，最符合港人講求健康的新潮流。

超長食物枱十分吸引

好玩的東西就有個3D移動影院，有個800英吋的3D弧形巨幕，俾你睇3D電影及玩電子遊戲。若在貴賓室的觀景窗前，仲可睇到港珠澳大橋。

貴賓室還有很多別緻裝飾

貴賓室還有很多別緻裝飾

今日港航還有它們訂購的首架A350抵港，此機將來主力是飛長途，因坐位較其它型號的更寬濶，佢啲商務客位可打開至180度，等如家中的床般舒服。

港航年底將開通的飛洛杉磯航線，明年就進軍飛埋三藩市、紐約、倫敦等長途線，在飛機又新又寬敞，加上票價比對手便宜一大截下，你想想港航的商務客位票價只是對手的一半，Sebastian年底真是要坐坐港航商務客位，直飛洛杉磯啦。

Sebastian

** 博客文章文責自負,不代表本公司立場 **

Sebastian最近搭飛機返大陸，試吓坐港航的商務客位，亦首次享用佢地在香港機場的貴賓室，發覺服務一流。好多人誤會咗香港航空是一間廉航，其實佢係一間全服務的航空公司，亦都有商務位、有貴賓室。

當日係早上飛，所以係貴賓室坐咗一陣，發現佢地原來可以落柯打叫煎蛋，就煎咗兩隻太陽蛋加豉油，呢種煎蛋服務，我去勻其他航空公司的貴賓室都唔係咁多有。

港航貴賓室相當唔錯

煎蛋早餐貼心

在港航貴賓室仲發現一個好玩之處，就係佢地搜羅番來的舊磅。呢種磅入個毫子入去就可以磅重，佢會跌番張印好的磅重咭出來。呢啲真係香港的懷舊感覺，想當年細細個去睇戲時，就係俾5毫子用呢啲磅重機磅重。港航貴賓室有個咁好玩的懷舊磅，足證佢地重視服務細節。

懷舊磅重拾童年回憶

「磅重咭」後生少少都未見過

原來港航都非常注重各方面的服務，例如見到香港人外遊時是一家大細，但如果帶埋細路仔去服務櫃枱排隊等check-in，好似好唔方便，所以特別整出家庭的check-in櫃位。聞說呢個服務推出後，亦都大受歡迎。

另外據港航中人講起，原來唔少人搭飛機會將件樂器攞去寄艙，但好多機場搬運工人即使你掛咗易碎啲牌，佢地都唔理，將啲行李拋來拋去，搞到寄運樂器好容易爛。港航就諗咗條蹺，專登訂製有保護性的鋁箱，客戶要寄樂器，就專門放在這些鋁箱入面，就令到寄運樂器既安全又方便。

新貴賓室即將啟用

貴賓室內旅客可使用蘋果電腦

港航在香港市場的份額愈來愈大，最近就正在擴建貴賓室及不斷增加長途航線的服務。現有貴賓室5000呎，新貴賓室就大一倍有1萬呎，預計好快在9月就會投入服務。而新飛去溫哥華的航線聽聞好爆滿，原因亦都好簡單，港航的商務客位票價兩萬幾蚊，對手要四萬幾蚊，剩係價錢都便宜了一大截，港航亦都有良好服務，自然吸引咗好多旅客改搭港航。

隨著港航的長途航線逐步開通，例如今年稍後將來會飛洛杉磯、明年會飛倫敦，相信港航在長途國際線上，競爭力會愈來愈強。