探女

近幾個月特首CY休假多數沒有透露行蹤，經常惹起佢回大陸接旨的猜測，昨日謎底終於解開，他幾次休假都係去英國探女。

CY二女梁齊昕昨日早上(香港時間，即倫敦時間半夜)在facebook上載兩張手腕有紅痕及手背染血的照片，惹來她當時正在「自殘」的揣測(圖片過度血腥不宜刊登)，外界十分擔憂，傳媒向特首辦查詢時，特首辦拒絕評論事件。而齊昕的facebook專頁在兩小時後刪除有關照片。

 

到下午三時《巴士的報》找到CY抵達倫敦後與二女齊昕的合照，證明齊昕安全，大家才稍放心。

據聞齊昕有情緒問題，令家人十分擔心，梁太已經常留在倫敦陪伴齊昕，而CY在百忙中也抽空飛英國，也是要探望女兒。至於昨日上戴的照片，可能並非昨日拍攝，但為何在CY抵倫敦前上載相片，原因耐人尋味。

今年4月28日，報業公會舉辦新聞獎頒獎禮，CY原是主禮嘉賓，但臨時有事不能出席，據說是女兒有事，佢急急趕去倫敦探女。但CY一直不想公開事件，所以特首辦過去對有關查詢一直封口不言。

Ariel

** 博客文章文責自負,不代表本公司立場 **

壹傳媒集團主席肥佬黎呢期出咗位，在城市論壇八面威風，市民話佢做咗泛民共主。

肥佬黎被踢爆與美國前副防長沃夫維茲密晤五小時後，壹仔發言人對南華早報話，黎智英同沃夫維茲係老朋友，兩人去年一齊去過緬甸旅遊，仲得到中國駐緬甸大使館兩次邀請共晉晚餐，所以中方對佢哋兩人的友情，知得好清楚咁話。

不過好快就爆出羅生門啦，中國外交部駐港特派員公署發言人昨日出招，話經核實後，中國駐緬甸使館去年從未邀請黎智英參加宴會，指壹傳媒發言人散布有關消息，純屬無中生有。

聞說外交部都好認真，查完現任同上任駐緬外交官無見過肥佬黎後，再查問埋駐緬商務參贊，因為他們掛職在大使館內，都會被視為使舘人員，但問完全部都話無見過。

Ariel扮吓金田一，認為件事有幾個可能，第一，肥佬老作轉移注意。第二，中國駐緬使館人員同肥佬黎食完飯唔敢認。第三，肥佬黎遇上冒牌貨，以為係使館人員，其實係皮包商人。唔好覺得Ariel講嘢無厘頭，而家有啲俾人拉咗的內地人，之前都四圍同人講佢地係江家或曾家(或者其他領導人)派來的，然後四圍招搖撞騙。肥佬黎遇上這類人，俾人搵咗笨，一啲都唔奇。

總之講多無謂，拿證據出來最實際，食飯一定派過咭片，話唔埋影埋相，肥佬黎得把口講唔得，要晒一晒Quali啦。