肥佬黎攞證據出來

壹傳媒集團主席肥佬黎呢期出咗位，在城市論壇八面威風，市民話佢做咗泛民共主。

肥佬黎被踢爆與美國前副防長沃夫維茲密晤五小時後，壹仔發言人對南華早報話，黎智英同沃夫維茲係老朋友，兩人去年一齊去過緬甸旅遊，仲得到中國駐緬甸大使館兩次邀請共晉晚餐，所以中方對佢哋兩人的友情，知得好清楚咁話。

不過好快就爆出羅生門啦，中國外交部駐港特派員公署發言人昨日出招，話經核實後，中國駐緬甸使館去年從未邀請黎智英參加宴會，指壹傳媒發言人散布有關消息，純屬無中生有。

聞說外交部都好認真，查完現任同上任駐緬外交官無見過肥佬黎後，再查問埋駐緬商務參贊，因為他們掛職在大使館內，都會被視為使舘人員，但問完全部都話無見過。

Ariel扮吓金田一，認為件事有幾個可能，第一，肥佬老作轉移注意。第二，中國駐緬使館人員同肥佬黎食完飯唔敢認。第三，肥佬黎遇上冒牌貨，以為係使館人員，其實係皮包商人。唔好覺得Ariel講嘢無厘頭，而家有啲俾人拉咗的內地人，之前都四圍同人講佢地係江家或曾家(或者其他領導人)派來的，然後四圍招搖撞騙。肥佬黎遇上這類人，俾人搵咗笨，一啲都唔奇。

總之講多無謂，拿證據出來最實際，食飯一定派過咭片，話唔埋影埋相，肥佬黎得把口講唔得，要晒一晒Quali啦。

Ariel

** 博客文章文責自負,不代表本公司立場 **

CY昨晚離港放假，本來有人猜測佢俾阿爺急召上京接旨，Ariel昨日寫過聽聞佢一早定咗呢幾日放假去英國，原來係去參加三女在劍橋大學的畢業典禮。

今日網上傳出疑似佢二女出問題的消息，令人好擔心，Ariel就收到料，CY已到咗英國，並且去咗探二女，仲一齊喺倫敦晨光下合照，見到兩人都笑得咁開心，都令人放心啲。

據講張相係香港時間今日下午大約二點左右影的，即係倫敦時間早上七點，齊昕仲抱住隻英國鬥牛(據她在facebook講隻狗個名叫Speedy)，唔知齊昕係唔係見到爸爸，笑容都燦爛啲。

CY先到倫敦會合二女，然後就一齊去劍橋，在那邊住一晚，明日出席三女的畢業禮，然後一完咗就飛返香港。即係話佢其實佢只係在英國瞓一晚，在飛機的時間同隻腳著地的時間差唔多。

傍晚我們再收到一張CY同二女齊昕以及太太唐青儀的合照，相中見到倫敦的天氣不錯，接近CY消息人士話他們三人在海德公園散步，相中CY手上攞住一份當地的報紙，八卦友話，CY似乎想話俾人知幅相是今日拍攝的。