長毛唔係議員 唔尊重林鄭不影響政改?!

林鄭月娥的施政報告並未就政改和廿三條立法定出時間表，是她出席記者會或論壇的一個追問焦點。林鄭的標準答案是咁的: 有朝一日，立法會整體議員能以基本尊重迎接她進入議事廳，就是重啟政改及廿三條的時候。

林鄭提的要求相當高，今早佢出席出席立法會施政報告答問會，大家就等住睇反對派議員尊唔尊重林鄭。

結果她進入會議廳時，已被撤銷議員資格的長毛梁國雄在公眾席上高叫「劫貧濟富可恥」、「林鄭月娥可恥」，又要求當局訂立標準工時及全民退休保障，他又批評撤銷議員資格是可恥。長毛其後被立法會主席梁君彥要求離開公眾席。

政壇八卦友話，嚴格而言，長毛唔算立法會議員，所以唔係議員唔尊重特首。不過話得說回來，林鄭上任無耐，又出力向泛民伸出友誼之手，暫時大家都相安無事。但到搞一地兩檢、國旗法、國歌法時，反對派遲早又發作，到時林鄭到立法會，佢地好難無搞作，唔搞嘢點攞選票呀。

Ariel

** 博客文章文責自負,不代表本公司立場 **

特首林鄭月娥下午開記者會，講解上任後首份《施政報告》的內容，今次係容許網媒入場採訪的首次，兼且無埋老總吹風會，故此加長記者會，等記者問到夠。

記者會今日下午2時15分召開的記者會，原定長75分鐘，去到3點30分完。但記者會遲咗開始，去到3點30分原定結束時間，大會就宣布記者會結束，林鄭隨即向記者致謝，離開講台。

不過有在場有記者計得好清，話「未夠75分鐘喎」，咁計埋遲咗開始又的確未夠時間。林鄭聞言就笑笑口掉頭，再上台繼續答問，再有兩個記者問問題，林鄭答埋先走。特首辦事後話，林鄭為免爭議，就留低講多陣。

所以個記者會本來問咗21條問題，結果因為加場，問到23條問題，林鄭先至走。