港鐵搞活動，身為主席的馬時亨當然要撐場，今次仲「出賣」兩位寶貝女添！
話說瑞典駐港總領事館、港鐵同瑞典對外交流委員會合辦「瑞典爸爸」攝影展，展出瑞典攝影師約翰•巴夫曼的攝影項目，宣揚父母關愛仔女，希望啟發更多爸爸反思在孩子成長過程扮演的角色。
點擊看圖輯
更多相片
為了隆重其事，港鐵請來瑞典卡爾‧菲利普王子親蒞欣賞，呢個攝影展主題係父子情，馬時亨就特登搵咗一張陳年舊相喺現場播放，就係佢同兩名女兒的合照啦！ 當時馬主席兩位千金好細個，挨住爸爸笑得好燦爛！
瑞典駐港總領事賀思桐亦帶埋一對仔女出席，兩位小朋友非常得意，真係溫情洋溢呀！
馬時亨話，好榮幸王子親臨展覽，所以準備咗一張為王子度身訂造的港鐵車票送俾王子，仲陪王子搭港鐵到香港機鐵站，參觀文化展品。
瑞典王子好靚仔，咪以為佢會好cool，查實佢同普通乘客一齊搭港鐵，認真親民呀！
呢個「瑞典爸爸」展覽喺圓方水區舉行，會一直到今個月17號，馬時亨希望展覽宣揚父子間的親密聯繫同家庭觀念，正如港鐵要在主要業務城市連繫同建設當地社區。
Ariel
** 博客文章文責自負,不代表本公司立場 **
