安志杰和老婆Jessica. C兩公婆日前穿著夫妻裝拍拖行超市，二人買餸都有型過人，見到記者更大方揮手，認真無架子！
All Black夫婦究竟幾有型？請看圖。
兩公婆又揮手又笑，感覺到完全出自真心。
拍拖兩年，結婚兩個月的安志杰伉儷喜歡一家三口行超市，日前傍晚6點，這對新婚夫婦又拖住現身ifc超市，因為兩個人由頭黑到落腳，黑超黑衫黑褲黑鞋，加上兩個又高大，一眼望到完全無難度，兩個人在超市內不斷穿梭，揀菜又買海鮮，買餸都有型過人。
點擊看圖輯
更多相片
All Black夫婦究竟幾有型？請看圖。
兩公婆又揮手又笑，感覺到完全出自真心。
安氏夫婦揀嘢食有商有量。
喺超市行行吓，安生忍唔住咬手指。
買完嘢，安生負責拎嘢再拖住老婆行去搭的士。
上到的士，安太繼續同記者揮手講拜拜。
安氏夫婦揀嘢食有商有量。
不久前於夏威夷結婚的安志杰夫婦平日作風大方，兩個「鬼聲鬼氣」，人前人後完全無避忌，問到有無計劃生個「聖誕B」，安生竟然話：「我哋日日都做，係Everyday Baby。」講笑又好講真又好，現場充滿笑聲，記者又起到題，如此幫到手的藝人認真難得。
喺超市行行吓，安生忍唔住咬手指。
安氏夫婦主力買餸，海鮮、菜、包裝食物，總之食得落口都買。兩個人有商有量，揀揀吓不知還要買甚麼，安生表現得有點無奈，更咬手指。在超市行了45分鐘，臨尾安生開了罐惠比壽啤邊行邊飲邊去埋單，然後再拎住袋餸，拖住老婆離開。
買完嘢，安生負責拎嘢再拖住老婆行去搭的士。
搭電梯時，型爆夫婦發現記者即揮手，問到聖誕會去哪裡玩？兩公婆表示還未想到，有問有答好就得人，上到的士繼續揮手，親切到無得彈。
上到的士，安太繼續同記者揮手講拜拜。
