博客文章
機票愈來愈平，得閒飛一轉日韓，本來已經係好多人生活的一部份，港航剛剛推出的全年優惠套票更吸晴，2萬元全年任飛，一見到真係個心動一動。
港航新推出「一人盡情飛」日韓通Pass，經濟艙售價由19,999起，商務倉由45,999起，全年任飛來回香港同日韓，全年不限出發日期，可以免費更改出發日子。
雖然呢個價錢未包括燃油附加費、旅行社行政費、機場稅等，但都有數得計。
航點包括日本東京、大阪、沖繩、札幌、米子、岡山、宮崎、鹿兒島及韓國首爾。
網上圖片
唔好話個個星期飛咁顛，兩個星期飛一次，星期五晚走星期日晚返，一年飛26次，飛到「阿媽都唔認得你」，都係幾舊水一張機票，而且不是廉航，都相當吸引。
港航透過下列旅行社出售這些套票：東瀛遊、康泰、安運滿FUN遊、專業旅運、中旅社、南華(快捷)、安達旅運、百福飛龍旅遊、西敏旅行社。
港航推出510套套票，聞說甚受歡迎，一開售已賣了40套。
Sebastian
** 博客文章文責自負,不代表本公司立場 **
港鐵昨日一年一度和傳媒聚餐，最等別是在未啟用的啟德站見面。港鐵主席馬時亨請了運輸及房屋局局長陳帆出席，馬主席話陳帆本來話這段時間離港放假不能出席，後來立法會高鐵一地兩檢小組星期一要選主席，陳帆要留港坐鎮，變咗可以出席。
陳帆(中)出席港鐵活動，馬時亨(右)話多得立法會
馬時亨和陳帆講完嘢，剛開始食飯，就出現大埔巴士車禍，陳帆就急急腳走了。
馬主席講到高鐵一地兩檢，話而家有啲爭拗，但幾年過後，就發覺根本不是問題，而且高鐵方便到不得了。佢話過去都有好多類似例子，例如舊機場就在啟德站那個地點，當時起新機場，都有好多爭拗，話無需要起，而家20多年過後看，無咗新機場，真係唔掂。
馬主席為人好鬼馬，隻鞋有2同3兩個字，就話自己著鞋都挺23條立法
睇番沙中線進度，整體完成81%，其中由大圍至紅磡段已完成94%，預計明年年中可以通車，到時新界出市區又可一個選擇。
沙中線的走綫
沙中線已完成81%
而沙中線最後一段紅磡至金鐘就在2021年通車，馬主席話，全面開通後，金鐘站就無咁塞啦。
