陳展鵬孖四女拍片扮貓 蔡思貝合照見真章

蔡思貝拍片時收收埋埋，拍照時........！

影片截圖

影片截圖

影片截圖

影片截圖

蔡思貝、田蕊妮、楊秀惠、岑麗香和陳展鵬齊齊於新加坡出席活動，眾人穿起紅衣，並於出場以Apps拍片扮貓咪賣萌。四女賣萌還好，但加入展鵬後似乎有點尷尬，難怪阿田留言：「做咩啫…」連老公杜汶澤都問：「究竟我睇咗啲咩」？

網上圖片

拍片時，思貝站在最後不太搶眼，不過合照時則站在最前，其性感打扮突然成為焦點。

由麥明詩、Patrick Sir（林溥來）主持的綜藝真人騷《保誠保險呈獻：AI時代，未來實習生》，本周六（5月23日）晚8點翡翠台播出最後一集，而壓軸的「星級家庭」，是陳展鵬和囡囡陳諾瑤（Quinta／小豬比）。

今集主角係小豬比。

小豬比繼續Keep住表情多多兼語出驚人
現年7歲的小豬比，「我的志願」是幼稚園老師，一來因為想「話事做大家姐」，二來是覺得小朋友「好得意同埋好細粒」。小豬比3年前拍攝《爸知弊！你嚟湊吖！》時，已以「CEO型性格」、無厘頭及豐富表情包馳名；今次長大了的小豬比再度亮相親子真人騷《AI時代》時，繼續無厘頭及多表情之餘，並再度展現「CEO型性格」，除有極強表達能力，在教小朋友方面亦甚有條理兼有自己一套，觀察力亦十分厲害，能力之強連爸爸陳展鵬亦為之震撼！

兩父女互動好有愛。

呢個遊戲齋睇陳展鵬同阿女玩都會覺得好開心、好好笑，真係唔好錯過。

展鵬對阿囡係畀足情緒價值。

實戰對象年齡差僅一至三年 小豬比老師能力值滿滿技驚四座
小豬比今次的實戰對象、是一班年紀僅比她少一至三歲的幼稚園小朋友，小豬比的任務，分別是要教他們英文，及在Steam課程中讓他們體驗「火山爆發」。節目中，小豬比無論是1對2、或是１對8教學，都給出了極高的互動，除會不斷發問提高「學生」的主動思考及參與性，又會時刻關心「學生」的進度及心理狀態，言談間更不斷給予「學生」情緒價值，以下是小豬比的精叻老師語錄：「你知唔知？」、「你試吖」、「你哋好叻呀」、「你想坐邊度？」、「唔緊要，做到嘅我哋。」成功獲得一眾「學生」愛戴，全程聽足小豬比指示。想親眼目睹小豬比做幼稚園老師有幾咁稱職，就要密切留意節目。

當小豬比估錯時，佢個難以置信樣好爆笑。

啲表情真係好搞鬼。

小豬比教小朋友時真係畀足眼神，仲會有適度嘅身體接觸同大量嘅互動，真係好有溫度。

小豬比的貼心、加上清晰的指示及表達能力，令到坐在觀察室的爸爸陳展鵬、兩位主持麥明詩及Patrick Sir大為折服，陳展鵬：「我個心有啲噗噗跳，好感動。」連對慣小朋友的Patrick Sir亦忍不住連環讚嘆：「佢講第一句已經好清晰喇喎」、「大人都做唔到分分鐘」、「好得意，佢識咁樣教嘢喎。」搞笑的是，陳展鵬事後向女兒表達欣賞時：「你教兩個小朋友英文時，我覺得好感動。」小豬比做了一個鬼臉後即刁難爸爸：「咁你喊吖！」令陳展鵬哭笑不得。

當陳展鵬向阿女表達感動之情時，小豬比竟然叫佢即刻喊出嚟，搞到陳展鵬都一個措手不及，笑咗。

小豬比1對8嘅上堂實況好好睇，唔好錯過呀。

仲有佢啲表情包，真係好正。

畫面極盞鬼｜小豬比職前體驗驚變陳展鵬演技大考驗
其實陳展鵬與小豬比兩父女密集性的搞笑又有愛的互動，絕對是這集一大賣點。觀眾可親眼見證陳展鵬同阿囡互動幾咁有愛、幾咁Friend、幾咁好玩同幾咁有默契，尤其小豬比實戰前的「情緒卡片」遊戲實習，陳展鵬需做出各種不同的情緒、讓小豬比觀察及競猜，當中兩父女忍住笑「眉來眼去」、估中時的狂喜表現、以及小豬比的搞笑得戚表情，都夠晒盞鬼又治癒，萬勿錯過。