《人生命素早已定 碟仙偶爾透天機 》

金多寶說故事 3

下午屎忽痕問：「阿媽，有冇鬼故講黎聽下？」我老帽心情靚，笑左一下，吹神上身：「等我講我偷渡前玩碟仙果次你知啦。」

民革時期，三反五反，講明唔比信鬼神，偏偏好多人入夜之後約埋玩碟仙。好似老帽以前個生產單位咁，佢地夜晚唔方便點燈，會執舊石仔掟上去人地個窗，整啲聲做暗號，等啲人伸個頭出黎，然後會細細聲問下對方玩唔玩碟仙。

我老帽好驚鬼，因為細個佢親眼見過三個親人由牆穿入佢間房，佢大叫之後，果三個親人就响佢眼前消失。一晚，佢準備好訓教，有個同隊嘅男仔掟粒石仔去佢個窗，細細聲問「喂，你來唔來玩碟仙呀？我地差一個人呀。」見佢翳契弟咁，再者，我老帽又諗，佢地玩親都冇料到架啦，就去一次咁大把。

「係喎，點解要揾你唔揾第二個嘅？」我老帽話班某梨玩親都煲冇米粥，佢地會覺得可能係玩嘅人入面，有啲太重陽氣，間中佢地都會換血，睇下邊個幫手招倒碟仙。我老帽都冇玩過，佢地咪係咁翳囉。「你地果陣三反五反喎，點玩呀？」我老帽話：「班死仔想玩，揾埋啲舊報紙、䜴油碟、一支蠟燭，就咁請就得架啦。」果陣物資短缺，但心誠則靈。

玩碟仙個房，又黑，又乜都冇，就咁揾張枱就問。我老帽記得，果晚有3女1男，我老帽同另一個女人就嫁左，另外果個女仔係單身。「果個女仔真係好靚架！清清秀秀咁，真係好多人鐘意佢。」我老帽最憎啲靚女，佢都不得不讚嘆嘅，一定係靚到不得了架啦。

手一放上去，個男仔問完條問題，等左成分鐘隻碟都冇郁。之後老帽竟然問：「碟仙呀碟仙，今年農歷新年，我會响邊度過？」唔夠3秒，隻碟標左去「香」之後指住「港」字。四人互望呆晒。現在幾乎伸手不見五指，靠果截蠟燭仔，只係隱約辨認到枱面有份爛報紙，試問邊個可以幾秒內分別明確指揾出「香」「港」兩字？不過果陣偷渡會比人捉去勞改架，而且我老帽帶住個細嘅，點會走得甩？我老帽好記得，佢偷渡來到香港嘅第三日，就係農歷年初一。

呢一刻嘅神奇，令到另一個嫁左嘅女人喜出望外，佢夢想係出香港。於是佢問左碟仙：「今年新年我係咪响香港過？」隻碟又係高速指向一個字：「無」呢個女人非常失望。老帽話：「呢個女人好早就過左身，佢死之前都一直响大陸，從來冇出過黎香港。」聽完有啲惋惜，而且個心真係有啲寒。

「最慘係最後果個女仔，佢問佢幾時嫁人，隻碟竟然指番住個「無」字。」我老帽講完，我吓左一聲。個女仔靚到咁點可能嫁唔出？「果個女仔後來失左身比一個男朋友，之後佢同佢個老公洞房果晚發現佢唔係原裝，個男嘅唔肯承認果段婚姻，最後佢去到38歲就同左個離左婚嘅老師一齊，一直同居到而家啦。」咁都得？事實就係咁。「人呢，一世都係注定嘅。唔係你嘅就唔係你，冇得強求。」我老帽笑住講，看透世事嘅人，講野總會輕描淡寫。

就係聽完呢個故仔，搞到我完全唔敢玩碟仙。

香港兔蘆術數學會

** 博客文章文責自負,不代表本公司立場 **

作者：小魔

小妹近日有位朋友問起，為什麼「我們」那麼相信風水? 他認為「風水學說」不科學。

風水不是我們華人獨有的智慧，西方講求的磁場與我們的風水大同小異。<以下是小妹拋書包時間> 磁場是一種物理現象，它不是由分子或原子所組成，但又客觀的存在。我們生活包圍著磁場，而地球本身就是一個磁場空間。小動物於地震或海嘯等天災發生前逃生，就是因為牠們能夠感應到地球磁場的變化。
磁場對人類同樣有著影響，思維﹑身體﹑內臟等等(就是少了求生本能)，這就是我們時常所說的五行。

以上的拋書包，我都一一解釋給那位只有科學的朋友，當然他是不會相信，甚至要求我去証明。(哈哈哈，美國不是有過類似的大型實驗嗎?) 可笑的是他的女人非常相信風水(可能是因為從商吧)，每年的年頭總會找個風水師傅看看。

有時候，運程不好就是甚麼都不順暢。過往拜訪的風水師傅因家事今年不能幫助她，她便託付朋友幫她找一個。人夾人緣吧，這位風水師的確在他們家放了不少風水物品，而生意跟往年也差不多，只是身體差了，而且是非常差。整天的頭痛，而且他說他們看見「黑影」(你知我說甚麼的!)。

那天，他們兩位硬要我上他們家 (我只是個非常普通的普通人)，想我也感受一下他們的痛苦 (朋友喎! 心淡!)。上了他們家，我感覺不是非常強烈(可能我不是住那裡吧)，我只是把他們放的風水物品偷偷的移開了。一星期後，他們跟我說沒有那麼頭痛了，但生意少了一點。

這就是五行，有得有失，相生相剋。

利申：我真係咩都唔識0家，有咩風水批命卜卦，搵師傅啦!!