《知所進退‧地天泰》

作者：流氓命師

近日小弟搬到新居，正在執整風水時遇到位朋友。該朋友於閒聊時問及其八字命盤，小弟當然樂意解答。朋友問道幾時才能大有發圍、同幾時要收手。我反問朋友信命與否，他答篤信命理，便起了他的八字盤來看。

此命「殺印相生」，八字格局極美，而且行運得宜。命主為人聰明、決斷力強，讓命主處於很高的社會地位，金錢方面也大有進帳。而現實上命主身居於跨國大集團一人之下萬人之上的要位，同時自身擁有兩間上市公司。

我答友人：「大有發圍呢，就好難再大發啦。但係收手呢，由於你呢個大運係一個非常好嘅大運，只係後面嘅大運又唔夠好，甚至可以話係差﹗所以話要收手，咁呢幾年完成埋手頭上嘅野就收手啦。」

友人亦回答說感覺到整條人生路行得很順，計劃於幾年內以一個非常年輕的年紀退休。

小弟亦為朋友感到慶幸，因為很多人在人生的頂峰時心會鴻得很，很想再衝下去﹗往往正是運氣用盡之時，一衝即破格還原，可能一跌下來接受不到。

高峰引退永遠都是最好，但又是最難做，因為旁人一定會叫你衝下去。

做人就是這樣，信命就要知命，知命就要認命。不認命就不要信命！

香港兔蘆術數學會

** 博客文章文責自負,不代表本公司立場 **

作者：Ir 威尼斯

各位，好耐冇見大家，大家幾好嗎?

講返近排先，於二月開始左新嘅工程，所以忙過之前。同新嘅同事及老闆會有磨合期。早兩個月剛剛又考到品酒嘅基本資格 !!!之後都會再考多幾個去加強品酒嘅Skill。

講返正題，去到某個年紀，總會想問吓自己事業算唔算有成? 面相上會比到你少少 Hints，但我強調後天努力係必定嘅元素。

【額鼻人中．氣流轉】

額頭要靚，要夠高、夠飽滿；眉毛要靚；雙眼要有神、鼻要高、顴骨要高同有肉包。基本上符合依尐條件，事業都唔會差得去邊。因為相學上:「 眉為君，眼為臣，眉為計劃，眼為實行。」

額頭代表思想分析能力同記憶能力，如果小朋友額高都代表讀書都唔會差。

「鼻型高直」就代表運氣由額承接落去鼻，再去直落人中。

【事業黃金20年】

大家都知道額頭代表30歲前，而眉眼鼻顴則代表30 - 50歲，基本上一生人嘅事業，主要就係呢黃金廿年 (30 - 50歲)決定成敗。

所以留意下身邊既人，又或者老闆，睇下佢地有冇以上特徵。

下次再會，飲杯酒 Relax 先，Cheers !