節哀順變。
袁偉豪父親袁永泰在五月中旬因癌症逝世，終年67歲。今日（14日）袁父於紅磡世界殯儀館設靈，約下午四時袁偉豪、袁媽媽及女友張寶兒到靈堂打點。袁偉豪透露父親喪禮以道教儀式進行，明天舉行大殮隨（即火化）。
袁偉豪與母親及女友張寶兒抵達殯儀館。
靈堂以白色鮮花為主，橫匾掛著「浩氣長存」四字，祭品中有一以世界盃為畫面的紙紮電視。靈堂佈滿花牌，當中包括樂易玲、歐陽震華、胡定欣、梁烈唯夫婦、電視廣播有限公司及警務處處長暨全體同仝等。
袁偉豪表示早上到公眾殮房領取父親遺體，談到袁媽媽心情如何？他說：「媽咪心情反覆一啲，特別領遺體嘅時候，大家都忍唔住喊，無辦法。事發（逝世）至今都有一個月，期間可能都有喘息空間，但嚟到呢兩日難免傷感。」
袁偉豪
談到他的心情，袁偉豪謂：「心酸、心痛。完成呢兩日、完成本身嘅工作，會同屋企人度假散心。」談到父親生前那些說話令他一生受用？他稱：「聽媽咪講返好感觸，爸爸都知道自己狀況，話想睇埋個世界盃同去埋迪士尼，可惜做唔到。都係由睇報告一至兩個月時間。自己一個人靜、獨處嘅時候，都會諗起同爸爸嘅往事。」
網上圖片
袁偉豪提到父親病痛時沒吃過一粒止痛藥，「佢嘅痛我哋只見到表面，真正嘅痛只有佢先知道。由3月到依家，個情況下滑得好快。」談到袁父去世前可有教誨，如好好照顧袁媽媽，他邊哭邊說：「我相信佢會好放心，不過爸爸未能夠睇到我成家立室，但我會努力。」
網上圖片
另外，張寶兒坦言跟袁爸爸未算認識很久，但聽過他的往事，知道他是一風趣及能幹的警察。她提到每個人都會面對死亡，亦難免傷痛，她唯一可做的事就是多點陪伴袁偉豪及袁媽媽。
張寶兒
