Steven真的有歌迷心～
東星圖片
張敬軒「Hinsideout演唱會」第四場，請來好朋友Boy’z做嘉賓，Boy’z一甫出場與軒仔一同合唱《死性不改》引爆全場歡呼狂叫不斷，觀眾的歡呼聲大到連關智斌唱歌聲都聽不到。歌曲中段路讀白，三人又改了台詞， 先是Steven問：「點解？」繼而望向Kenny：「點解你會來做嘉賓嘅？」Kenny就大聲答，「我鐘意呀，你吹呀？」又再次引發觀眾尖叫聲。直至全曲唱完，無論Steven或張敬軒說什麼，觀眾都一直狂叫，連軒仔都忍唔住反問觀眾：「我都唔知你地叫乜！」
東星圖片
觀眾叫了近兩分鐘後終於靜下來，軒仔對Steven笑說：「嘩，你講嘢佢地都叫到咁，」轉身一指Kenny：「咁佢講嘢.........」又再引來觀眾狂叫。Steven這時插嘴：「我完成任務啦，我落台先！」Kenny說：「你講嘢呀你！」而軒仔實在敵不過觀眾的瘋狂叫聲，笑著說：「知唔知咩叫無敵嘅嘉賓呀，佢地係我入行最初相識嘅好朋友，至今次家仲係好朋友，所以我決定第一次六場紅館個唱，一定要請埋佢地來分享。」軒仔又話：「 既然咁耐無見，有啲私人恩怨想係到解決下，我聽講網上有人寫咗個故仔，話你地兩個為咗我喺salon打交，究竟係咪？」
東星圖片
Kenny即回答：「你諗多咗喇張生！我地兩個成日打交！每次打完交Mani就會打來話，打還打唔好打面嘛！話晒靠個樣搵食。」這時候Steven坐在一邊不出聲，軒仔問他怎麼了，Steven亦倜侃對方：「我見你地咁耐無見，比你講埋先囉！」軒仔笑問：「你又知我地好耐無見？」又引爆觀眾狂叫，更有觀眾不斷大叫：「嘴佢！嘴佢！」
東星圖片
之後軒仔回復正經，說真的要答謝Steven ，因為他為了來做嘉賓 ，本來正在橫店拍戲都特地趕回來，Steven就客氣回話，自己可以在娛樂圈繼續生存，都是多得軒仔一路以來的幫忙。不過講完正經事又開始說笑，反問軒仔：「我想問你，你做咩多謝我唔多謝佢？」引得觀眾又再狂叫兼大笑，軒仔話：「我點會唔多謝佢，我重恭喜佢，佢做咗業主嘛！」Steven再一次「攻擊」Kenny：「你都仲未講，你點解會來做嘉賓？」 Kenny指：「我來報仇呀。」Steven問： 「報咩仇？隔夜嗰啲呀？噚晚嗰啲仇呀？」引得觀眾又再大叫大笑。招架不來的Kenny唯有笑著扮想打Steven，稱：「喂，我地下午綵排個陣啲稿唔係咁喎。」
由英皇娛樂主辦、恒生保險冠名贊助，英皇鐘錶珠寶、英皇金融、Keeta 及國泰聯合呈獻的「恒生保險呈獻：25+ 英皇群星演唱會」繼早前宣布 5 月 4 日表演藝人名單後，大會亦正式公佈 5 月 3 日場次陣容，包括容祖兒、古巨基、李克勤、張敬軒、陳慧嫻、Twins、陳偉霆、李幸倪、關智斌、曾比特等。超過十位樂壇天王天后首次同台啟德，陣容強勁絕無僅有。
25+ 英 皇 群 星 演 唱會】 終極公佈兩場演唱會的名單陣容。
當中最驚喜的是軒仔終於可以參演 5 月 3 日及 4 日兩場演唱會，成功改期較早前落實的「Dahlia 系列」海外私人表演，與英皇娛樂一眾兄弟姊妹在台上表演。軒仔高興地表示：「衷心感謝客戶的包容及體諒，最終讓我可以留港出演英皇家族騷，亦非常感激公司一直從不放棄為我協調檔期，當然最感觸是粉絲的包容及耐性，非常期待為大家表演。」軒仔續稱雖然之前未知能否解決撞期問題，但身為公司一份子，對於今次盛事一直也十分著緊，所以事前做了不少準備功夫，現在一收到這個好消息後，得知自己要演出的時間也很長，首要是馬上安排綵排事情，全心全意投入準備來答謝入場的觀眾。
張敬軒成功解決工作撞期，鐵定參與 5 月 3日及 4 日的兩場演唱會。
演唱會總監製劉偉強表示，演唱會流程大致敲定，共分為十個章節，由天王天后分別領軍，更披露了不少演唱會內容：「古巨基以各首大熱歌曲打造新一代的勁歌金曲，熱爆全場；李克勤除了演唱自己不同階段的金曲外，更特別選上一首英皇娛樂出品的流行曲傾情演唱。陳慧嫻與超過 60 人的大型合唱團一同表演，氣勢磅礡。Twins 與關智斌互唱彼此的經典名歌；久未在港演出的陳偉霆率數十位舞者勁歌熱舞，更與世界跆拳道錦標賽冠軍、霆鋒徒弟林秋楠在台上『比舞』。李幸倪則與泳兒、許靖韻、鄧小巧幾位實力唱將較技切磋。曾比特將與數支樂隊同台 jam 歌。Crossover 驚喜不斷，異常精彩！」現在演唱會預備工作也進入大直路，綵排時間也安排密密麻麻。他更透露 5 月 3 日及 5 月 4 日演唱會的壓軸歌手分別為容祖兒及謝霆鋒。當中祖兒一天唱快歌，一天唱慢歌，是期間限定的表演。祖兒更特別為演唱會排舞，以女皇姿態壓軸全場；而霆鋒則趕及由成都回來參與 5 月 4 日演出，為當晚壓軸演唱，大家一定引頸以待。
恒生保險呈獻：25+ 英皇群星演唱會
恒生保險呈獻：25+ 英皇群星演唱會
演出詳情
活動日期：2026 年 5 月 3 及4 日
活動時間：7:00 PM
地點：KAI TAK STADIUM (啟德體育園主場館)
票價：HKD $1680 / $1380(企位/座位) / $980 / $680
演唱會公開發售 （快達票 HK Ticketing、大麥）
