能夠唱出夕爺為自己填的詞，相信已為Will的歌唱事業注入了強心針。
（本網記者攝）
（本網記者攝）
（本網記者攝）
樂壇新丁李晧軒（Will）的第一首派台歌《窮我一生》已經推出，首次推出新歌便與殿堂級填詞人林夕合作，令他感到十分榮幸。對於獲重量級人馬為其填詞，Will感激舒老闆（舒文）為他找來了夕爺，他表示這是一件自己從沒想過會發生的事，並為人生中最難忘的事。
（資料圖片）
（李晧軒IG圖片）
（李晧軒IG圖片）
新歌講述了Will的故事，他將自己部分的個人背景及經歷交給夕爺，收到歌詞後赫然發現自己已被夕爺看穿，自己的狀況、心情通通都在歌詞中反映出來，令他看見作品時甚為驚訝。其中，「連掃街都暗中忍受」這歌詞令Will印象很深刻，他表示看見歌詞時已有整個畫面，昔日的種種都浮現眼前。他憶述，曾經想與另一半一起「掃街」，卻因珍珠奶茶的太貴，而令他忍手不敢買。他相信其他人可能也曾有過相類的經歷。
（李晧軒IG圖片）
（李晧軒IG圖片）
（李晧軒IG圖片）
Busker出身的Will喜歡與觀眾交流，他不介意大家知道他的過去，更希望讓大家了解他更多。Will中三畢業後便踏進社會工作，曾於港鐵、廚房、地盤等地開工，努力養家。為了追求夢想，他不定期到尖沙咀碼頭Busking，其後獲得現時的公司賞識，簽約成為歌手。問到如何踏出Busking的一步？Will表示那是他從中學起的一個夢想，本來他沒想過會有這個機會，不過當他知道機會到來時，便覺得一定要把握！他續指：「不過當身邊人知道呢件事時，好多人都反對，因為佢哋覺得我冇咩條件去入呢一行，而我都覺得自己冇條件去入行。但我當時同自己講，如果我唔把握、唔珍惜呢次機會，到我老咗時，我一定會後悔，所以我嗰吓就下定決心，就算人哋點反對都好啦，我都做咗先，就算十年之後我已經三十幾歲，我都可以重新開始。」
（李晧軒IG圖片）
（李晧軒IG圖片）
（李晧軒IG圖片）
成為歌手是Will一直以來的夢想，如今終於向前踏進一大步，他亦計劃為自己定立新目標。他表示：「嚟緊我想改晒我所有嘅壞習慣先！音樂方面，本身我係冇學過音樂，冇學過唱歌或結他，我嚟緊想學結他、樂理、練習咬字，喺音樂上嘅各方面都進修吓。」談到入行的條件，Will認為最基本就是過到自己也過到別人的關口，要令大家都覺得好聽。另外，他也重視發音及咬字，並正努力改善懶音問題。他會多讀新聞，也會上網尋找教學練習。他覺得最重要是需要「擘大啲個口講嘢」，且會多加留意自己怎樣唱。
（本網記者攝）
（本網記者攝）
問到如何投入去唱一首歌，Will指一般會將自己幻想成歌中的角色，如唱一首慘情歌時，他會代入角色，閉上眼去感受他以及音樂的節奏和歌詞。他覺得情歌會較易代入，通常會回想一些往事或電影中的情節，令自己更加投入。
（本網記者攝）
（本網記者攝）
Hair: Antony Lam @ Nova Hair
場地提供：東海薈
（本網記者攝）
（本網記者攝）
唱作女子組合Beanies成員陳樂頤Geor（阿左）近日推出今年第一首Solo歌《今夜無人入睡》，同樣是阿左親自作曲，請來小克填詞，Dick Wong編曲及吳林峰監製。歌曲記錄了阿左今年頭半年很多個失眠的夜晚，「我係咁問自己，究竟我可以點樣捱過去呢？我點樣搵返我嘅笑容呢？」最後，她發現這些失眠的夜晚都是令她變得更加好的養份，所以她希望這一首歌可以陪伴大家度過失眠的夜晚。
阿左推出今年第一首Solo歌《今夜無人入睡》。
VIDEO
觀看相關影片按連結：https://youtu.be/_XX6Ilgthbk
2025年已經過去四分三，問到為何這麼遲才出Solo歌？阿左直言年初時整個人的狀態都時「麻麻地」，所以用了很多時間去處理自己的情緒，而且行動力很弱，而《今夜無人入睡》就是在這段時間寫下的，原本在7月中已準備好推出，但剛好撞正Beanie推出新歌《失戀 （及其他災難）》，為了不撞期宣傳，便決定推遲推出。
本網記者攝
《今夜無人入睡》MV圖片
問到為何情緒會出現問題？阿左坦言在過這一年半內情緒都處於高低起伏的狀態，因為13歲同母異父妹妹於去年2月輕生離世，加上Beanies成員的變動，令她不太懂去面對自己的情緒，在今年年初情況最差的時候，她主動去了見治療師，見了幾次後她開始能梳理自己的情緒，現在已回復正軌。
本網記者攝
妹妹的離開對阿左影響非常大，就好像生命中好重要的一部份消失了，「應該係有啲不知所措，對於人生嘅意義，我會覺得我好似冇咗繼續落去嘅意義。」這對阿左來說是人生一個好大的課題，「令到我思考自己嘅人生，或者思考下，究竟自己想要啲乜嘢啦，就發現咗其實，我哋唔可以畀過去嘅唔開心嘅回憶，去影響自己將來嘅路。我最大嘅課題就係，究竟點樣帶住呢啲唔開心嘅回憶繼續move on呢？可能有人係原生家庭嘅問題，但唔可以用呢樣嘢做藉口，令到你停滯不前，你係要carry on with that，咁所以呢個係可能令到我學習或者反思得最多嘅嘢。」
《今夜無人入睡》MV圖片
《今夜無人入睡》MV圖片
問到妹妹的離開有否影響與家人的關係？阿左表示她是與公公婆婆一齊住，所以與老人家的關係好親密，而與父母及其他家人的關係就一直有些起伏不定，但她明白每一個家庭成員都有自己的情緒，所以她並不急於去即刻處理所有問題，治療師亦和她說：「你將會有一個好嘅timing去處理佢，但係嗰個timing未到。」而她今年亦抽時間和家人去了上海旅行，「因為我同屋企人係好少去旅行，咁嗰次係帶住香港嘅婆婆公公，係瑞士嘅阿姨姨長，同埋兩表妹，再係廣州嚟嘅姨婆，即係大家係唔同地區gather咗一齊去上海旅行，我覺得呢件事好難得，亦都係真係好多年冇試過同屋企人去旅行，嗰個感覺好唔同，亦都因為好坦白講因為妹妹嘅事，大家珍惜多咗同屋企人一齊相處嘅時間。」
本網記者攝
至於Beanies成員的變動，成員潘釗彤（Chiutung）及黃健怡（Winky）於今年6月初離隊，阿左透露二人與經理人在溝通上或意見上有分歧，她們亦曾經開會討論，但因為合約屬於個人，所以她和張天穎（Jaime）及李凱翹（Kay）也沒有過問太多。阿左坦言雖然不捨得她們離開，但並活有特別嘗試去挽留，「因為一講到合約上呢，有少少法律上嘅嘢，其實我哋係冇辦法去插手，咁我覺得其實兩位成員都好知自己想要咩嘅，佢哋好清楚自己想要啲乜嘢，所以佢哋嘅選擇，我哋好尊重，亦都希望佢哋依家係好開心咁做緊自己想做嘅嘢，亦都得到佢哋想要嘅嘢。」
Beanies成員Chiutung（右二）及Winky（右一）於今年6月初離隊。
Beanies現在是三人團，阿左、Jaime及Kay。
雖然阿左在過去這年半情緒出現問題，但她沒有停下來，她除了是Beanie成員、獨立歌手外，亦是和音歌手和音樂老師，「咁我其實年頭都做咗幾場嘅演唱會和音，譬如Stephy（鄧麗欣）嘅紅館啦，亦都有KKBOX呀等等咁樣啦，咁我嚟緊年尾都會繼續係有和音嘅工作，例如Stephy會去澳門啦，跟住Kenny（關智斌）係啟德啦，仲有唔同嘅和音表演，跟住我音樂老師其實我本身自己有教一啲小朋友音樂，我一路都係咁樣運作緊。」
本網記者攝
阿左又笑言她最多時間是用在旅行上，「因為年頭嘅我有少少想逃離呢個現實，逃避世界咁樣，咁所以我就係咁去旅行，同埋係咁去澳洲探friend。」當中她在澳洲之旅期間就拍了上一首歌《從天際破滅找到祝福》的MV，「我上一個mv係我去咗澳洲跳傘，我本身係有少少驚， 但我唔知點解走咗去跳傘，好似要挑戰人體極限咁樣，跟住我就發現自己好驚死，咁係一個好好嘅體驗，如果我去到最extreme sports呢啲咁極端嘅運動，我係會點樣呢？」她又分享了與好友在當地的蝦碌事，「我同個friend揸車，喺高速公路落雨夜晚爆胎，但係我（發現）原來可以好冷靜咁樣去應對，我仲喺度撳電話，喺度改一陣打邊爐嗰個時間，原來我係一個咁chill嘅人，遇到危關嘅時候 ，我可以咁chill咁樣面對，我好proud of自己！」而車胎最後是由路過的警察「睇唔過眼」幫手換。
IG圖片
IG圖片
IG圖片
IG圖片
《今夜無人入睡》是由吳林峰監製，所以阿左希望推出一個與吳林峰的男女合唱版，「我哋都仲係好初步嘅階段，傾緊會唔會work到，係咪今年可以做到呢件事就未知啦，但係希望可以做到，希望大家鍾意呢一個solo版先，跟住之後就可能衍生到一個合唱版！」此外，阿左就暫時未來再出新歌的計劃，「如果真係有嘅都可能會畀咗喺Beenies先，因為Beenies今年都係出咗一隻歌，我哋係Beenies係有溝通過究竟我哋嚟緊會唔會出啲唔同嘅曲風，我哋係有被勒令要減肥，同埋要學跳舞，咩曲風就大家估下！」
本網記者攝
本網記者攝
hair by @michaellam_hairwork @beijinghairculturehk
