《緣沿有你》

作者：國紫平

世間所有事物都離唔開一個「緣」字。

當你出世時，父母、兄弟、姐妹就有着一種緣分嘅關係：有些人出世後得到父母嘅寵愛，成為掌上明珠；另一邊廂，有些小朋友生於單親家庭，更甚者有人除了得不到父母嘅關愛，更嚴重嘅係毒打至死，就像早幾排嘅新聞。

讀書時，人就有另一種緣分來到，就係朋友師長嘅緣。有人講過「人可以冇父母，但唔可以冇朋友」，出外靠朋友，若永遠都係自己一個嘅人生，絕對係孤獨。有良師益友子除了能增長知識外，更能成為你人生嘅好幫手。

成年後，人會揾尋找伴侶。可能人係寂寞嘅，想揾個長相斯守嘅人。但好多人會為此煩惱一生，尋尋覓覓，甚至為愛而死，就好似豬八戒成日咁講「多情自古空餘恨, 此恨綿綿無絕期」﹗

人到中年，生兒育女嘅人生嘅另一個階段，有些人子女孝順，有些反叛忤逆，令父母好傷心，有些一出世就殘缺，當中嘅緣分就十分複雜。

其實人同人若果有着十分緊密嘅關係，其實就係有緣分，緣分有分大約4種，印光大師講過：「報恩、報怨、還債、討債」，若沒有這些因緣就唔會相見，

從紫微斗數來講，「六親宮位」星象好關係就會好，星象差關係就不好。人可以控制自己嘅工作、錢財，但外在嘅人際係好難避免，所以六親關係唔好係好難去逃避到。八字字為用神嘅宮位亦一樣，為用嘅對你有益有助力；為忌對你唔好，令你煩惱，所以有尐人唔適合同朋友做生意。

例如比劫為忌、兄弟宮破軍化祿等等；若果夫婦宮為忌，又有凶星，就不適合早婚，情願同居或拍拖就算。

有尐人識朋友、伴侶都係識到好嘅；但又有尐人識來識去都係差嘅，這些都係磁場影響你。若係還債就盡快還清，來報恩嘅就要珍惜對方，因為緣盡就會分離，要知道幸福唔係必然嘅。

香港兔蘆術數學會

** 博客文章文責自負,不代表本公司立場 **

作者：朱雀神君

仲記得有一日既下午，嫲嫲入左醫院，但係家父既電話打極都打唔通，點算好？
由於事出突然，一定要通知佢本人黎醫院了解情況。
好彩，最後都聯絡到佢，佢都好快趕到黎。

探病之後，我就問家父，個電話係唔係壞左？
個答案竟然係連機都開唔到，完全死機。
跟住就關係到，黎緊幾日，嫲嫲起醫院，點樣先盡快搞好個電話，可以聯絡得到佢。

如事者，電話都舊，不如就出部新機。
打電話去電話公司查問，去尖沙咀分店出機，有無機既現貨？
由於當時 iPhone X 係搶手時期，又真係未必有貨。
電話個邊回覆話尖沙咀分店無機！
個同家父兩個當堂呆左，咁急既時間，去邊到揾機好！

時間趕急，我就立即起卦問: 尖沙咀分店是否有 iPhone X 存貨？
枝卦出黎日生應位妻財爻！有貨！
於是就趕去尖沙咀分店到出機，唔理電話既答覆！
去到，又同枝卦所講既一樣，真係有存貨，仲要好多！
兩父子立即鬆一口氣！

術數應用起生活上，一定有其作用。
當中完全係學理同古人智慧。
至於迷信？我又覺得唔係。

PS: 有時候用一用術數一個參考，都係一個幾好既選擇
PS2: 家父之後個幾日真係收到 d 起醫院既電話，事態嚴重，好彩即時決定去出機，如果整機都唔知等幾多日，到時就大件事！