Kelly終於要推出新作！
陳慧琳（Kelly）早前為新歌《冷淡》拍攝MV，MV以愛情治療室作主題，Kelly飾演一名受過情傷的病人，躺在病床上進行治療。這個愛情治療室，其實還有其他病人，他們都因為情傷而變得傷痕纍纍，唯有在這裡修復情緒。Kelly憂心重重的樣貌，非常入戲，冷冰冰的樣子活像一個「冰美人」，與她平日樂天活潑的形象大相逕庭，唯一不變的是細膩的演技，很多鏡頭都是拍攝一Take導演就收貨！
東星圖片
東星圖片
東星圖片
在MV中Kelly的對手是一名「機械人」，因為現實中與伴侶感情轉淡，縱使二人仍在一起，但已經如同陌路人般，失去了心靈上的互相扶持。心痛之餘又得不到溫暖，病人Kelly唯有以機械人取替，重演與另一半的窩心片段，不過，Kelly要不停為機械人上鏈，只要感情變冷淡就要再上鏈，回復彼此間的熱情。正如現實的愛情也如是，Kelly有感而發道:「要維持一段不冷淡的愛情關係，需要不停加油和付出，熱戀不難，要令感情保鮮才是重點，我一直都在努力學習中。」
東星圖片
東星圖片
東星圖片
4月28日的「THREE IN LOVE草蜢演唱會2026」第二場演出，全場爆滿。前輩胡楓、陳淑芬、好友張衞健、蘇永康、古巨基、關心妍、伍詠薇、余香凝、杜如風和樊亦敏等捧場，與觀眾一同玩人浪和跳舞，非常熱鬧。
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
「THREE IN LOVE草蜢演唱會2026」第二場演出
全場爆滿
全場爆滿
全場爆滿
表演嘉賓陳慧琳驚喜登場
表演嘉賓陳慧琳驚喜登場
蔡一傑台上獨唱《失樂園》後，表示感謝自己患病期間，得到一位前輩溫暖的關懷，他說：「有一位朋友喺我患病期間，隔四五天左右打電話嚟問我：『點樣呀？你情況如何？身體好嗎？有冇覺得咩唔舒服？』又隔四五日短訊我，天氣轉變又會話：『傑仔，呢個時節乍暖還寒，你要多加注意，着多件衫呀！』我感覺到好溫暖。呢位好朋友長輩、前輩就係胡楓先生，修哥。」
傑仔向觀眾席上的修哥說：「前年我爸爸走咗（去世），我好多謝你，你當我仔咁看待、錫我、關心我，成日問候我。我真係唔好意思，我應該要成日打電話俾你，問候你先至啱。我好開心，感受到好似多咗個爸爸。Thank you，多謝你，修哥，I love you！」全場掌聲。
而前晚Encore環節，草蜢獻唱《華麗舞台》後，表演嘉賓陳慧琳（Kelly)驚喜登場，與草蜢合唱《歲月燃燒》後，興奮表示有話要講：「『我細個就聽你哋啲歌』，我終於有份講呢句說話啦！（問觀眾）你哋係咪呀？你哋就明白我嘅感覺，每次見到草蜢，我啲青春就返晒嚟！」她坦言求學時期偷聽收音機，一聽草蜢的冧歌就「少女情懷總是詩」，Kelly七情上面，草蜢三子哈哈大笑。她問觀眾：「你哋明唔明我講乜？應該差唔多年紀。真係冧到依家！」更承認當年房間貼了草蜢海報，還扮他們海報裏的甫士。
傑仔表示初認識Kelly時好嬲，說：「我唔係嬲佢，我係嬲張學友，因為Kelly初出道幫學友拍咗個音樂特輯，我哋又冇特輯拍，第一樣嬲。第二就係睇到佢哋嘅特輯鬼死咁靚，去咗LA，仲要同個咁靚嘅靚女，總之就好鬼妒忌張學友！」Kelly揼地說：「點解嗰陣時我冇拍你哋MV嘅？」
接著蔡一智拿出禮物送給Kelly，首先是一個傑仔人形攬枕，然後蘇志威拿出兩個，分別是他與阿智的小咕𠱸，笑說：「因為我哋兩個結咗婚唔可以俾你攬，只可以俾你枕，或者坐上去。」Kelly愛不釋手，說：「俾我㗎 ？可唔可以簽埋名？」阿智說：「我都係睇你幫我哋錄演唱會宣傳片嘅時候，先至知道原來你聽咁多我哋嘅歌。」Kelly說：「全香港都聽你哋啲歌，電台不停播架！」合照留念後，草蜢與Kelly跳唱《花花宇宙》，觀眾勁High一齊跳，最後更擺有型甫士，傑仔從後擁抱Kelly，非常sweet。
