中國成立69周年國慶快到，各界都有搞國慶酒會，新聞界亦不例外，新聞界慶祝國慶籌備委員會上周五開會，確定在9月21日假金鐘萬豪酒店舉辦國慶酒會，特首林鄭將出席致辭。會議又通過大公文匯傳媒集團董事長姜在忠接替張國良，出任籌委會主席。
據文、大的報導，會上通過「提議新增香港有線電視主席邱達昌為榮譽顧問；政府新聞處處長朱曼鈴和新聞行政人員協會主席黃永亨為副主任委員；副秘書長為鏡報總編輯盛一平；執行委員分別為明報總編輯梁享南、香港商報常務副社長兼執行總編輯張寶興、中新社香港分社總編輯王丹鷹、中國國際廣播電臺香港記者站站長李納新及香港有線娛樂有限公司助理總監（節目製作）陳興昌；籌備委員則提議新增明報主筆余偉邦。」
新聞界慶祝國慶籌備委員會上周五開會。(圖片來源:大公網)
雖然近年國慶酒會搞得愈來愈大眾化，不似過去只是由左派系統人士參加，但增加了明報老總梁享南作執委，就惹起咗明報中人的注意。
結果在明報政治八卦欄Emily就講起，「《大公報》同《文匯報》近日先後報道話，新聞界國慶酒會建議搵埋一班老友記幫手籌備，人選包括《明報》老總梁享南同主筆余偉邦。Emily成日見到老總阿梁喺電腦前好慢咁滴滴答答打字，主筆阿邦更加要每日專心寫社評，點解仲可以分身搞國慶活動咁叻？見到阿梁當然要問個究竟。」
明報老總梁享南。
「阿梁同Emily講，話係美麗的誤會，叫Emily睇清楚《大公》嘅報道。阿梁話，報道係講新聞界國慶籌委會只係建議搵阿邦同阿梁幫手啫，唔係已經搵咗，阿邦同阿梁亦都未收過要拍膊頭幫手的消息。阿梁話，佢同剛落任執委會主席嘅張國良、現主席姜在忠都係好好朋友，好榮幸大會諗起搵埋一齊幫手，不過《明報》近日走咗幾位好幫得手嘅同事，有排都請唔番人，阿梁同一眾手足呢排做到有氣冇埞唞，所以佢同阿邦都應該唔會加入成為委員，只能口惠而實不至咁話：姜主席，加油。」
睇完兩個版本，睇到一個小小的羅生門，到底新聞界國慶籌委會是否已講好請阿梁同阿邦做籌委呢? 照計明報無需要講假話，有關方面或者係想搵當搵咗，兼夾寫大咗，結果吃了軟釘子。幸好阿梁以好人見稱，雖然否認都以事忙推卻，講得好客氣。
小鯊
** 博客文章文責自負,不代表本公司立場 **
